Niklas Süle

Vun Wikipedia
Niklas Süle in dat Trikot vun de Olympiautwahl (2016)

Niklas Süle (* 3. September 1995 in Frankfort an’n Main) is en düütsch Footballspeler. He steiht siet 2017 bi den FC Bayern München ünner Verdrag.

Karriere[ännern | Bornkood ännern]

Vereens[ännern | Bornkood ännern]

Süle fung bi Rot-Weiß Walldorf mit dat Footballspelen an un is mit 10 Johren in de Jöögdafdeelen vun Eintracht Frankfurt wesselt, för de he dree Speeltieden lang aktiv weer.[1] In‘ Juni 2009 is he to’n SV Darmstadt 98 wesselt, bi de he söss Maand bleev, bevör he an‘ 1. Januar 2010 vun de TSG 1899 Hoffenheim verplicht wurr.[2][3]

To de Saison 2012/13 steeg de 1,95 m groot Afwehrspeler in de tweet Mannschap vun de Hoffenheimer up, för de he in twee Speeltieden söss Mal in de Regionalliga Südwest to’n Insatz keem. In sien eerst Speeltiet keem he ok tweemal för de eerste Mannschap in de Bundsliga to’n Insatz. Sien Debüt geev he an‘ 11. Mai 2013 (33. Speeldag) bi de 1:4-Nedderlaag in dat Heimspiel gegen den Hamburger SV.[4] För Hoffenheim hett he in 108 Bundsligaspelen 7 Doren schaaten.

To de Saison 2017/18 wurr he vun FC Bayern München mit en Verdrag bit to’n 30. Juni 2022 köfft.[5]

Natschonalmannschap[ännern | Bornkood ännern]

Süle geev an‘ 15. Oktober 2010 in de U-16-Natschonalmannschap, de in Chöttingen mit 3:2 gegen de nordirische Utwahl wunn. He hett mit de U-17-Natschonalmannschap an de van‘ 4. bit 16. Mai 2012 in Slowenien utdragen Europameesterschap deelnommen, hett veer Turnierspelen bestreeden, verlor dorbi aber dat Finale mit 4:5 in’t Elfmeterscheeten gegen de nedderlannsch Mannschap. He hett denn an de van‘ 3. bit 20. August 2016 in Rio de Janeiro utdragen Olympisch Footballturnier deelnommen, dorbi söss Speln maakt, aber ok hier weer dat Endspeel mit 4:5 in dat Elfmeterscheeten gegen den Mannschap vun Brasilien verloren.[6] An‘ 1. November 2016 wurrn hüm un sien Mitspelers vun de Olympia-Utwahlmannschap dat Sülvern Lorbeerblatt dör den Bundspräsidenten Joachim Gauck verleeht.[7]

In dat eerst Lännerspeel nah de Europameesterschap an‘ 31. August 2016 in Mönchengladbach gegen de Natschonalmannschap vun Finnland speel Süle dat eerste Mal in de A-Natschonalmannschap.[8] Bundstrainer Joachim Löw hett hüm för den [[FIFA-Konföderatschonen-Pokal 2017] in Russland beropen.[9] In dat Turnier, dat de düütsch Mannschap wunnen hett, keem he up veer Insätze, so ok in dat Finale an‘ 2. Juli 2017. Bi dat Speel gegen de Mannschap ut Chile wurr he in de tweet Minüüt vun de Nahspeeltiet för Leon Goretzka inwesselt.[10] Bit jetzt (Stand: 20. August 2017) hett Süle 6 Lännerspelen för Düütschland maakt.

Sonstiges[ännern | Bornkood ännern]

Süle sien Familie stammt vun sien Vaders Siet ut Ungarn. Sien Grootvader György is mit sien Fru ut de ungaarsch Hööftstadt Budapest nah Düütschland utwannert.[11][12] Sien Vader Georg is in Düütschland boren, harr aber bit to sien 16. Levensjahr neben den düütschen ok den ungaarschen Pass.[13]

Weblenken[ännern | Bornkood ännern]

Niklas Süle. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Süle, Niklas - Kicker.de
  2. Niklas Süle in U 16-Nationalteam
  3. Niklas Süle Verteidigung 22 1943 - 1899 Hoffenheim
  4. Gisdol: "Ordentliche Leistung von Süle" - 1899aktuell
  5. Pressemitteilung up de Websteed vun den FC Bayern München, afropen an‘ 15. Januar 2017.
  6. [1] Die Olympia-Kader stehen fest; Herutgever: www.dfb.de, Deutscher Fußball-Bund e.V. (DFB) van‘ 15. Juli 2017, afropen an den sülvigen Dag
  7. Verleihung des Silbernen Lorbeerblattes up bundespraesident.de van‘ 1. November 2016, afropen an‘ 14. November 2016
  8. Spielpaarung up dfb.de
  9. [2] Das ist der deutsche Kader für den Confed Cup 2017; TZ.de van‘ 19. Juni 2017 afropen an den sülvigen Dag
  10. Michael Horeni: [3] Ein unverhofftes deutsches Sommermärchen; faz.net van‘ 2. Juli 2017, afropen an‘ 3. Juli 2017
  11. fcbayernmunchen.hu: Niklas Süle magyar származású
  12. achtzehn99.de: Julius Illes: „Tapemaster J.“ im Ruhestand
  13. Kuriose Panne: Türkei wollte Süle sport1.de, an 25. März 2017, afropen an‘ 25. März 2017