Nicolaus Dreyer

Vun Wikipedia
Wesseln na: Navigatschoon, Söök

Nicolaus Dreyer (* 21. April 1921 in Bützfleet; † 13. August 2003 ok dor) weer en düütschen Ünnernehmer un Politiker von de FDP, CDU.

Dreyer is 1921 in Bützfleet boren un hett na de Middelschool 1937 sien Mittlere Reife maakt. An’n 1. November 1939 is he Maat von de NSDAP, Maat-Nr. 7.113.074, worrn. He hett en Lehr as Groothannelskoopmann in Hamborg maakt. He weer von 1939 bet 1945 Soldaat in’n Tweten Weltkrieg, toletzt as Leutnant von de Reserv. He weer in Frankriek un Russland. Von 1946 af an weer he as Fruchtgroothändler in Stood sülvstännig. He weer von 1970 bet 1973 Maat von’n NDR-Rundfunkraad.

Dreyer is na’n Tweten Weltkrieg Maat von de FDP worrn. 1969 is he ut de Partei rut un is denn in’e CDU rin.

Dreyer is 1956 Börgermeester von Bützfleet worrn un dat bet to de Gemeenreform in Neddersassen bleven, bi de Bützfleet to’n 1. Juli 1972 Deel von de Gemeen Stood worrn is. Dreyer weer in’n Gemeenraad von Bützfleet, von 1961 af an in’n Kreisdag von’n Landkreis Stood un von’n 20. Mai 1963 bet 20. Juni 1970 Maat von’n Neddersassischen Landdag in de 5. un 6. Wahlperiood. Bet 14. April 1969 hett he to de FDP-Frakschoon tohöört. Von’n 15. April 1969 afan weer he ahn Frakschoon un is denn an’n 22. April Gast von de CDU-Frakschoon worrn. Von’n 5. November 1969 af an hett he denn ganz to de CDU-Frakschoon tohöört.

Von 1972 bet 1980 weer he Maat von’n Düütschen Bundsdag. He weer direkt wählt Afornten in’n Wahlkreis Stood-Rodenborg I.

Literatur[ännern | Bornkood ännern]

  • Barbara Simon: Abgeordnete in Niedersachsen 1946–1994: biographisches Handbuch, 1996, Sied 80