Neochattium

Dat Neochattium is en Tiedafsnidd in de Geologie, de von üm un bi 25,5 bet 23,8 Millionen Johr vör uns Tied reckt. Dat is Deel von dat Oligozän un binnen dat Oligozän von dat Chattium (vör 28,4-23,03 Ma). De Utdruck Neochattium warrt vör allen för de Sedimenten in Noorddüütschland un ümto bruukt (Noorddüütsch Tertiärbecken).

Vör dat Neochattium keem dat Eochattium (28,4-25,5 Ma) un achterna dat Veerlannium (23,8-19,25 Ma).

Desülve Tied in Süüddüütschland un Middeleuropa (zentrale Paratethys) fallt in den Tiedafsnidd Egerium (25,8-20,8 Ma).

De Sedimenten von dat Neochattium sünd vör allen fienen Sandsteen, in de ok veel Schalen von Mollusken to finnen sünd. Noorddüütschland leeg to de Tied op’n Grund von en siede See. As Leidfossilien warrt de Sniggen Cancellaria evulsa un Gemmula laticlavia ansehn.

Schuvels ut dat Neochattium is fakener in Form von Pampauer Steen (nöömt na Groten Pampau) to finnen.