Nautiloideen
| Nautiloideen | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Systematik | ||||||||||||||
| ||||||||||||||
| Wetenschoplich Naam | ||||||||||||||
| Nautiloidea | ||||||||||||||
| Agassiz, 1847 |
De Nautiloideen (Nautiloidea) sünd en Deelgrupp vun de Koppfööt (Cephalopoda, Mollusca). To’n groten Deel sünd se hüdigendags utstorven, man een Familie hett bit up düssen Dag overleevt, dat sünd de Parlboote (Nautilidae). Vördem hett dat Taxon bi 800 bekannte Geslechter harrt un unbannig veel Formen. 90 % hefft in dat Eerdtiedöller vun’t Paläozoikum leevt. In de Trias geev dat noch bi 30 Geslechter, bi 26 weern dat in dat Jungmesozoikum (Jura un Kried), 9 bestunnen noch in dat Paläogen un dree in dat Neogen.[1] Hüüttodaags gifft dat noch twee Geslechter: Nautilus mit veer Aarden[2] un Allonautilus mit een Aart[3]. Beide kaamt vör in den zentralen Indopazifik vun de Philippinen bit hen na Samoa.[4] In de klassische bioloogsche Systematik weert de Nautiloidea as en Unnerklass mank de Koppfööt ankeken[5] All Nautiloideen hefft en „Huus“, dat as Butenskelett denen deit.
Unnertaxa[ännern | Bornkood ännern]
Hier weert de Unnergruppen na de klassische Systematik upföhrt na de Tied, wo se uptreden sünd:[6][7]
- † Plectronocerida
- † Ellesmerocerida
- † Endocerida
- † Orthocerida
- † Actinocerida
- † Tarphycerida
- † Barrandeocerida
- † Discosorida
- † Oncocerida
- † Ascocerida
- Nautilida
Literatur[ännern | Bornkood ännern]
- Euan N. K. Clarkson: Invertebrate Palaeontology and Evolution. 4th edition. Blackwell Publishers, Malden MA u. a. 1998, ISBN 0-6320-5238-4.
- Bernhard Ziegler: Einführung in die Paläobiologie. Teil 2: Spezielle Paläontologie, Protisten, Spongien und Coelenteraten, Mollusken. 2. Uplage 1991. Schweizerbartsche Verlagsbuchhandlung, Stuttgart 2004, ISBN 3-510-65036-0.
Belege[ännern | Bornkood ännern]
- ↑ Ziegler: Einführung in die Paläobiologie. 2004, S. 247.
- ↑ Rosenberg, G. (2013). Nautilus Linnaeus, 1758. World Register of Marine Species, afropen an‘n 12. September 2013
- ↑ Bouchet, P. (2013). Allonautilus Ward & Saunders, 1997. World Register of Marine Species, afropen an’n 12. September 2013
- ↑ Ziegler: Einführung in die Paläobiologie. 2004, S. 234.
- ↑ Gofas, S. (2013). Nautiloidea. In: World Register of Marine Species, afropen an’n 16. September 2013
- ↑ Ziegler: Einführung in die Paläobiologie. 2004, S. 257–258.
- ↑ Clarkson: Invertebrate Palaeontology and Evolution. 1998, S. 235.
