Nancy Hower

Vun Wikipedia
Wesseln na: Navigatschoon, Söök
Nancy Hower

Nancy Hower (* 11. Mai 1966 in Wyckoff Township, New Jersey) is en US-amerikaansche Film- un Theaterschauspelersche as ok Musikersche. Siet 2004 maakt se ok Filmen.

Leven un Wark[ännern | Bornkood ännern]

Hower is in en Grootfamilie opwossen; se hett söss Bröder un twee Süsters. Se hett al in de High School op de Bühne stahn und füng dorna an, an de beropenen Juilliard School dat Fack Drama to studeern. Se harr eerst en poor regionale Optreden un füng an’n Wiehnachtsavend 1993 mit ehr eerst Stück in’n Manhattan Theatre Club ehr Loopbahn an, woneem se Andrea in The Years speelt hett. 1994 harr se ehr eerste Filmrull in den Feernseh-Thriller Insomnia.

Ehr internatschonal bekanntste Rull hett se in de Feernsehreeg Star Trek: Voyager speelt. Dor weer se dat Kru-Liddmaat Ensign Samantha Wildman, de se in tosamen acht Episoden speelt hett. Bito speel se aver ok jümmer wedder op de Theater-Bühne, woneem se ok sülvst bi Theaterprodukschonen as Speelbaas’sche dat Seggen harr.

2004 hett Hower den Feernsehfilm Memron inszeneert un ok sülvst produzeert. De Film weer en Mischen ut Speelfilm un Dokumentatschoon, bi den se ok sülvst an de Kamera stünn, dat Dreihbook schreev un ok den Filmsnitt maakt hett. In den Film güng dat üm den Enron-Schandaal, de in de USA publiek worrn is.

Blangen de Schauspeleree weer Hower ok Liddmaat vun twee Musikgruppen, de in Nachtclubs vun Los Angeles optreden sünd. De eerste harr den Naam Wench – na ehrn Ökelnaam as Kind (Wenchy) –, de tweete hett Stella heten.

Filmografie (Utwahl)[ännern | Bornkood ännern]

Johr Titel Synchroonsnacker
1994 Insomnia, Feernsehn
dt.: Schlaflos
 
1998 Blackout Effect, Feernsehn
dt.: Die Kollision – Inferno am Himmel
 
1998 Tunnel Vision, Kortfilm  
1999 The Last Man on Planet Earth, Feernsehn  
1999 Standing on Fishes  
1995-2000 Star Trek: Voyager, Feernsehreeg
dt.: Star Trek – Raumschiff Voyager
Andreschka Großmann
2006 Catch and Release
dt.: Lieben und lassen
 

Weblenken[ännern | Bornkood ännern]

Commons-logo.svg Nancy Hower. Mehr Biller, Videos oder Audiodateien to’t Thema gifft dat bi Wikimedia Commons.