Nadine Angerer

Vun Wikipedia
Wesseln na: Navigatschoon, Söök
Nadine Angerer

Nadine Marejke „Natze“ Angerer (* 10. November 1978 in Lohr an’ Main) is en düütsch Footballspelerin.

De Doorhöderin speelt toletzt in de Bundsliga för de Mannschap vun 1. FFC Frankfort. Siet 1996 speelt se ok för de düütsch Natschonalmannschap, mit de se 2003 un 2007 Weltmeesterin wurr. Bi Olympisch Spelen hett se mit de Mannschap dreemal en Bronzemedaille wunnen. In de Johren 1997, 2001, 2005, 2009 un 2013 wunn se mit de düütsch Mannschap de Football-Europameesterschap. 2013 wurr se todem bi de eerstmals dörführt Wahl to de Europääsch Footballspelerin vun dat Johr wählt.

Nah de Europameesterschap 2013 is se to den austraalschen Vereen Brisbane Roar wesselt, wo se en half Johr spelen will, um den hör Loopbahn in de USA forttosetten. In’n Januar 2014 is Angerer vun de FIFA as Weltfootballersche vun’t Johr 2013 wählt worrn.[1]

Borns[ännern | Bornkood ännern]

  1. Weltfootballers – n-tv.de, afropen an’n 14. Januar 2014

Weblenken[ännern | Bornkood ännern]

Commons-logo.svg Nadine Angerer. Mehr Biller, Videos oder Audiodateien to’t Thema gifft dat bi Wikimedia Commons.