NORAG

Vun Wikipedia
Zur Navigation springen Zur Suche springen

De Nordische Rundfunk AG mit Sitt in Hamborg weer ene Rundfunkanstalt, de dat Radioprogramm in Noorddüütschland utstrahlen dee. Dat weer de Vörlöper vun den Noorddüütschen Rundfunk.

1924 is in Hamborg de Nordische Rundfunk AG (NORAG) grünnt worrn, de an’n 2. Mai 1924 dat Sennen anfungen hett. De eerste Sennemast stünn in Hamborg, an’n 30. November 1924 nehm denn en Nevensenner in Bremen un an’n 16. Dezember in Hannover den Bedriev op. Ok Kiel an’n 14. Dezember 1925 un Flensborg an’n 23. Dezember 1928 kregen egene Sennemasten. Vun 1928 af an hebbt se dat Programm in de Rothenboomschossee in Hamborg maakt. 1933 is denn ut de Nordische Rundfunk AG de „Noorddüütsche Rundfunk GmbH“ worrn. An’n 14. Januar 1934 kreeg Hamborg en stärkern Senner un de Senner Kiel hett den Bedriev instellt. Dat weer to de sülve Tiet as dat, wat de Luzerner Wellenkonferenz beslaten harr, in Kraft treden dee. Dormit hören denn ok de Senners Meideborg un Stettin to dat Rebeet, in dat dat Programm ut Hamborg keem. Vun 1934 af an weer dat denn as „Riekssenner Hamborg“ Deel vun’n Grootdüütschen Rundfunk, de bet 1945 sennen dee. An’n 3. Mai leep dat letzte Maal dat normale Programm, den 4. Mai harrn de Briten den Senner innahmen un sennen nu as Radio Hamborg, Senner vun de britische Militärregerung.