Myzel

Vun Wikipedia
Wesseln na: Navigatschoon, Söök
Myzel vun den Öösternswamm up Koffiedick
Swammmyzel up en Brett
Swammmyzel up en Kees(Camembert)

Dat Myzel (neelatiensch mycelium vun ooldgr. μύκης mýkēs „Swamm“ un ήλος hḗlos „Nagel“) oder Mycel, Plural Myzelien un Mycelien is dat fiene Geweev ut all Swammfadens vun en Swamm oder Bakterium.

In de Umgangsspraak weert de Swämme Poggenstöhle nömmt. Man en Poggenstohl is bloß dat Fruchtlief vun en Swamm, dat ut'n Unnergrund rutkieken deit. De Swamm an sik is avers dat fiene, meist unsichtbore Geweev ut Swammfadens unner de Eer oder, bi Boomswämme, in't Holt. Swammmyzele könnt bit hen to mehr as een Quadratkilometer groot weern un bannig oold weern, as bi de Honnigswämme.

Unner dykarioten Myzel verstaht wi en Myzel, datt in jede Zell twee Karns mit verscheden Genom driggt, en Plus-Karn un en Minus-Karn. Dat kummt tostanne, wenn twee monokariote Myzele (mit je een Karn) tohopenkaamt, en Plus-Myzel vun'n Plus-Paarungstyp un en Minus-Myzel vun'n Minus-Paarungstyp, de beide ut monokaryote Sporen utkiemt. Bi Stännerswämme weert faken Snallen billt, wenn de dikaryotn Zellen in de Myzelen sik deelt (Mitose).

Blangen Swämm gifft dat ok Bakterien, de Myzelen billt, as de Streptomyceten.


Weblenken[ännern | Bornkood ännern]

Commons-logo.svg Myzel. Mehr Biller, Videos oder Audiodateien to’t Thema gifft dat bi Wikimedia Commons.