Muley Ismail

Vun Wikipedia

Muley Ismail (* üm 1645 in Sijilmassa; † 22. März 1727 in Meknès) weer vun 1672 bet 1727 de Sultan vun de Alawitendynastie in Marokko.

Mit Help vun ene Armee vun swarte Slaven hett Ismail dat feudale Marokko, dat in lütte Herrschoppen opdeelt weer, eent un alle Stämm ünner sik bröcht. All Wedderstand ut dat Volk gegen de feudale Herrschop hett he hart ünnerdrückt. He hett de Törken, de vun Algerien kemen, afwehrt un de Spaniers ut ganz Marokko, afsehn vun de Städer Ceuta, Melilla un Mazagan, rutdreven.