Mount Hope (Oostantarktika)
| Mount Hope | |||
|---|---|---|---|
.jpg) | |||
| Barggrupp: | Transantarktische Bargen | ||
| Hööchd: | 835 m över de See | ||
| Laag: | Ross Dependency, Oostantarktika | ||
| Kuntinent: | Antarktika|- | Toeerst bestegen: | 3. Dezember 1908 dör Ernest Shackleton, Jameson Adams, Frank Wild un Eric Marshall |
| Koordinaten: | Koordinaten:83° 31′ S, 171° 16′ O83° 31′ S, 171° 16′ O | ||
| |||
Mount Hope is en 835 m över de See[1] hogen Barg in de Ross Dependency, Oostantarktika. He liggt an de Shackleton-Küst an de Münn von’n Beardmore-Gletscher in dat Ross-Schelfies. Opdeckt worrn is he an’n 2. Dezember 1908 von en Veer-Mann-Grupp üm’n brietschen Polarforscher Ernest Shackleton, as se bi de Nimrod-Expeditschoon (1907–1909) versöcht hebbt, na’n geograafschen Süüdpool to kamen.
Shackleton un siene Lüüd sünd annern Dag op’n Barg ropkladdert un hebbt hööpt (engelsch: hope), „[…] en [beteren] Indruck von de Landschop ümto to kriegen“[2] un en Route för’n Weg na Süden dör de Transantarktischen Bargen to finnen. Düt Höpen hett slumpt, nadem se von Mount Hope ut den Beardmore-Gletscher un den Togang över dat Gateway opdeckt hebbt. Shackleton un sien Lüüd sünd bet na dat Polarplateau kamen, man müssen op’n Weg na’n Süüdpool üm un bi 180 km vör’n Ennpunkt von de Reis von wegen slechte Utrüstung, opbruukte Vorrääd un mehr un mehr Slappheit ümdreihn.[3]
Dree Johr later hett de brietsche Polarforscher Robert Falcon Scott bi siene Terra-Nova-Expeditschoon (1910–1913) desülve Route wählt. He un de veer Lüüd, de bi em weren, sünd bet na’n Süüdpool kamen, man sünd op’n Weg trügg doodbleven.[4]
Literatur[ännern | Bornkood ännern]
- Ernest Shackleton: The Heart of the Antarctic. William Heinemann, London 1909, Band I: archive.org un Band II: archive.org
- Kelly Tyler-Lewis: The Lost Men. The Harrowing Story of Shackleton’s Ross Sea Party. Bloomsbury, London 2007, ISBN 978-0-7475-7972-4.
- R. L. Oliver et al.: Antarctic earth science. Cambridge University Press, Cambridge 1983, ISBN 0-521-25836-7.
Weblenken[ännern | Bornkood ännern]
- Mount Hope in dat Geographic Names Information System von’n United States Geological Survey (engelsch)
- Mount Hope op geographic.org (engelsch)
Footnoten[ännern | Bornkood ännern]
- ↑ Mount Hope (Antarctica) in dat Geographic Names Information System von’n United States Geological Survey
- ↑ „[…] to gain a view of the surrounding country“, Shackleton, The Heart of the Antarctic. Band I. 1909, Sieden 304–305 (Textarchiv – Internet Archive)
- ↑ Occupation of Cape Evans By the Trans Antarctic Expeditschoon. (Nich mehr online verföögbor.) Antarctic Heritage Trust, archiveert von dat Original am 6. Juni 2014; afropen an’n 19. Juni 2014 (engelsch). Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
- ↑ Tyler-Lewis, The Lost Men. 2007, Sied 146.
