Monika Wörmer-Zimmermann

Monika Wörmer-Zimmermann (* 4. Juli 1944 in Winsen) is en düütsche Politikerin.

Wörmer-Zimmermann is 1944 in Winsen boren un hett na de School en koopmännsche Lehr maakt. Se weer Bürobaas, Personalbaas un Baas von de koopmännsche Afwicklung in en middelständschen Produkschoonsbedriev. Von 1984 bet to ehr Wahl in’n Landdag weer se Baas von en koopmännsche Övungsfirma von de Düütsche Anstellten-Akademie.

1972 is Wörmer-Zimmermann Mat von de SPD worrn. Se weer lange Johren in’n Vörstand von de Arbeidsgemeenschop sozialdemokraatsche Froonslüüd op de Oorts-, Bezirks- un Landsebene aktiv. Von 1976 bet 2003 weer se Raadsfro in’n Stadtraad von Buxthu. Von 1986 bet 2006 weer se in’n Kreisdag von’n Landkreis Stood un von 1994 bet 2008 Maat von’n Neddersassischen Landdag. Bi de Wahlen 1994 un Wahlen 1998 is se as Direktkannedaat in’n Wahlkreis Buxthu wählt worrn. 1998 hett se mit 47,7 % von de Eerststimmen gegen den Kannedaat von de CDU mit 37,5 % wunnen. Bi de Wahlen 2003 kunn se sik nich wedder dörsetten un hett 33,0 % von de Stimmen haalt. Den Wahlkreis wunnen hett Helmut Dammann-Tamke von de CDU mit 57,6 %. Över de Landslist is Wörmer-Zimmermann aver liekers wedder in’n Landdag rinkamen.

Se is Maat von ver.di, de Arbeiderwollfohrt, von’n BUND, von Pro Familia, von SJD-De Falken und von’n Sozialverband Düütschland.

Wörmer-Zimmermann is verheiraadt, hett dree Kinner un leevt in Buxthu.