Mindaros

Vun Wikipedia
Zur Navigation springen Zur Suche springen

Mindaros († 410 v. Chr. bi Kyzikos) weer en Feldherr vun Sparta in dat föffte Johrhunnert vor Christus.

In den Krieg vun'n Peloponnes (431-404 v. Chr.) weer he in't Johr 411/410 v. Chr. Nauarch, un dor Upperbefehlhebber vun de spartaansche Flotten mit. He hett sunnerlich atheensche Stützpunkte an den Hellespont angrepen. Dor woll he den Transport vun Koorn ut de Gemarken vun de Swatte See her unnerbreken, dat Athen so nödig bruken dö. He hett sik in en Reeg vun Seeslachten gegen den athenschen Feldherrn Alkibiades slahn. Mol hett he wunnen un mol verlaren, bit he tolest 410 v. Chr. in de Slacht vun Kyzikos an'n Süüdwall vun de Marmarasee umkamen is.

Sien Naam warrt in en spartaanschen Bericht nömmt, de bi de Atheners as en typischen Satz vun lakoonsche Kortheit gellen dö:

Scheepe verlaren. Mindaros dood. Mannslüde hefft Hunger. Weet nich, wat doon.[1]

Belege[ännern | Bornkood ännern]

  1. Xenophon, Hellenika 1,1,23; Plutarch, Alkibiades 28.