Miguel Poblet

Vun Wikipedia
Zur Navigation springen Zur Suche springen
Miguel Poblet bi den Giro d’Italia in Saint Vincent

Miguel Poblet Orriols (* 18. März 1928 in Montcada i Reixac; † 6. April 2013 in Barcelona) weer en spaansch Radrennfohrer.

Van 1945 bit 1962 weer Miguel Poblet Profi un sett in disse Johren besünner Maatstaffen in' spaanschen Radsport, wiel he nich blots up de Straat sonnern ok as Bahnradsportler bannig spoodriek weer. So wurr he wiels sien Radsport-Karriere söbenmal spaansch Meester in' Bahn-Sprint un tweemal Bargmeester, is aber ok spoodriek bi all groot Rundfohrten den Start gahn, bi de he tallriek Deelstreckensiege schafft hett, as ok bi de Klassiker. 1947 wunn he de Klasika Primavera, 1952 de Katalonien-Rundfohrt, 1955 den Grand Prix Midi Libre, 1957 Mailand-Turin, 1957 un 1959 Mailand–Sanremo as ok 1960 de Classica Sarda. 1958 keem he bi de Lombardei-Rundfohrt up den tweeten Platz achter Nino Defilippis. Todem hett he ok noch völ lüttgere Rennen wunnen.

Dreemal – 1955, 1956 un 1957 – is Poblet bi de Tour de France an den Start gahn: 1955 wunn he een Deelstreck un droog twee Daag lang dat Geel Trikot, wunn de Bargwertung up den Col du Tourmalet, wurr dart in de Wertung vun dat Gröön Trikot un reck Paris up Platz 26 in de Gesamtwertung. 1956 wunn he weer en Deelstreck, hett denn aber upgeven, genauso as een Johr later ok. Besünner spoodriek weer he bi sien Deelnahmen an den Giro d’Italia: 1956 wunn he veer Deelstrecken, een Johr later weer veer Deelstrecken un an’ Enn’ keem he in dat Johr up den sössten Platz. 1958 wunn he dree Deelstrecken, 1959 ok un keem in de Gesamtwertung weer up den sössten Platz. 1961 wunn he nochmals dree Deelstrecken un kunn söss Daag lang dat Maglia Rosa dragen..

Miguel Poblet is ok bi 14 Sössdaagrennen an den Start gahn un kunn dree Wettbewarfen winnen: 1953 in Barcelona mit Ferdinando Terruzzi, 1961 in Buenos Aires mit Jorge Bátiz un 1962 in Madrid mit Miguel Bover Pons.[1]

Nah sien Rückträe vun den aktiven Radsport weer Poblet Vörsitter vun den katalaanschen Radsportverband un an de Organisatschoon vun de Katalonien-Rundfohrt bedeeligt.[1]

An’ 6. April 2013 is Poblet mit 85 Jahren in en Krankenhuus in Barcelona an Nierenverseggen storven.[2]

Enkeld Nahwiesen[ännern | Bornkood ännern]

  1. a b Roger de Maertelaere: Mannen van de Nacht, Eeklo 2000, S. 236f.
  2. Miguel Poblet, la primera gran estrella. In: El Mundo, 6. April 2013 (spaansch).

Weblenken[ännern | Bornkood ännern]