Michael Collins (Astronaut)

Vun Wikipedia
Zur Navigation springen Zur Suche springen
Michael Collins (Astronaut) 1969 kort vör’m Start vun Apollo 11

Michael Collins (* 31. Oktober 1930 in Rom; † 28. April 2021[1]) weer en US-amerikaansche Astronaut.

He hett anfangen as Pilot un is 1963 van de NASA as Astronaut utsöcht wurrn. 1966 hett he sien eerst Floog makt. Mit Gemini 10 is he tosommen mit John Watts Young meest 3 Daag in’t All wesen. Collins dorbi twee Weltruumspazeergänge, so nömmt EVA's, makt.

Richtig bekannt wurrn is he aber 3 Johr later. Mit dat Ruumschipp Apollo 11 is he tosommen mit Neil Armstrong un Buzz Aldrin na de Maand flogen un Armstrong un Aldrin sünd as eerste Minschen up de Maand land. Collins muss aber mit dat Moderschipp üm de Maand ümtoflegen, dormit sien Kollegen dornah ok weer andocken kunnen un weer all heel torüch to kommen.

1970 is he van de NASA weg gahn un is later henn Baas van dat Natschonaale Luft- un Ruumfohrtmuseum wurrn.

Weblinks[ännern | Bornkood ännern]

Commons-logo.svg Michael Collins. Mehr Biller, Videos oder Audiodateien to’t Thema gifft dat bi Wikimedia Commons.

Enkelt Nahwiesen[ännern | Bornkood ännern]

  1. 'Forgotten Astronaut' Michael Collins Dies. In: npr.org. 28. April 2021, afropen an’n 28. April 2021 (engelsch).