Meta
(wiederwiest vun Metta)
Meta (ok Mete, Metta, Metke oder Mette) is een plattdüütschen Vöörnaam för Deerns. Fröher weer de in den Noorden vun Düütschland ganz begäng, hüdigendags sünd dat meist ole Froonslüde, de so heten doot.
Herkamen
[ännern | Bornkood ännern]Meta hett woll nix mit dat greeksche Woort μέτα (meta) to kriegen, wat so veel as baven un öber heten deit. Antonehmen is, dat Meta een korte Form vun den Naam Margarethe is. De kümmt vun dat greeksche Woort μαργαρίτης (margarites) un heet Parl. Öber de latiensche Spraak is düsse Naam nah Düütschland kamen. In de Kuntreien, wo Platt snackt wurr, is dor denn Meta vun wurrn.
Fundöörd
[ännern | Bornkood ännern]In ole Listen un Urkunnen finnt sik düsse Naam
- 1654 in Barken (Metke)
- 1698 in Bremen (Mette)
- 1699 in Barken (Metta)
- 1703 in Ganderkesee
- 1769 in Habenhusen (Metta)
- 1784 in Habenhusen (Meta)
- 1785 in Habenhusen (Metta)
- 1791 in Huchting (Metta)
- 1806 in Seehusen bi Bremen (Metta)
- 1821 in Seehusen bi Bremen (Metta)
- 1832 in Hastedt bi Bremen (Meta)
- 1834 in Overneeland bi Bremen (Mete)
- 1888 in Overneeland bi Bremen (Metta)
- 1903 in Overneeland bi Bremen (Meta)