Huchten

Stadtdeel vun Bremen Huchten

Wat to seggen is		Rang
Flach:	13,73 km²	11/23
Inwahners:	29.357	10/23
Inwahnerdicht:	2138 Inwohners/km²	13/23
Butenlandsche Mitbörgers:	13,73 %	9/23
Arbeitslosenquoot:	15,7 %	10/23
Wannehr:	Midd 2003
Oortsdelen:	Middelshuchten Sodenmatt Karkhuchten Grolland
Website:	Website Ortsamt Huchting
E-Mail-Adress:	umartin@oahuchting.bremen.de

Huchten (Hoochdüütsch Huchting) is een Stadtdeel vun Bremen up de lunke Siet vun de Werser.

Historie

Huchten liggt een beten över de Masch up de Vörgeest. Dor hefft al in vör- un fröhgeschichtlich Tieden Minschen wohnt. Siet dat 12. Jahrhunnert breet sik dat Dörp ok up dat Brookland in'n Norden un'n Westen vun de Geest ut. Huchting is hüdigendags een Stadtdeel mit de Oortsdeele Karkhuchting, Middelshuchting, Sodenmatt un Grolland.

Huchting weer fröher een Dörp un bestünn ut de Deele Karkhuchten, Middelshuchten un Brookhuchten. Siet dat 14. Johrhunnert hett de Bremer Raat dor siene Hannen up leggt. De eerste Kark is woll an't Enn vun dat 12. Johrhunnert boot wurrn.

Siet den Anfang vun dat 20. Johrhunnert sünd allerhand nee Wohnhüser boot wurrn. 1946 kreeg Huchting dat Ortsamt, siet 1957 hett de Sellschup för Wohnungsbau in de Stadt Bremen, de Gewoba grote Streken vun Huchting mit nee, moderne Hüser toboot.

Karken

De ole Kark weer Sankt Georg toeegent. An't Enn vun't 19. Johrhunnert is se afreten wurrn. Eduard Gildemeister un Henrich Deetjen hefft dor denn 1878 bit 1879 de neegootsche Backsteenkarken hensett, de dor vundage noch steiht. De Toorn is um un bi 46 Meter hoch. 1966 is de St.Matthäus-Kark boot wurrn, 1971 de Dietrich Bonhoeffer-Kark un 1972 de St.Johannes-Kark in Sodenmatt.

Inwohners

1995 leven in Huchten 29.222 Inwohners, dorvun 3.379 in Grolland, 8.317 in Karkhuchten, 6716 in Sodenmatt un 10.810 in Middelhuchten.

Bremer Stadtdelen un Oortsdelen