Mescalero

Vun Wikipedia
Zur Navigation springen Zur Suche springen

De Mescalero (spaansch: „Mescalsammler”, Natage, Faraone, Eegenbeteknung: Shis-Inday = „Volk vun de (Barg)Wälder”) sünd een Stamm von de Apachen. Se ward ok Mescalero Apache nömmt, ok Ndé ("Volk") oder Mashgalénde ("Lüüd bi de Bargen").[1]

Ehr Spraak mit de Eegenbeteknung Ndé Bizaa' hört to de südathapaskischen Spraken, so as de annern Spraken vun de Apachen.

Eehrn Nom hebbt de Mescalero von de Mescal-Agave. Dat wär eehrn Wohnheet, dat se düsse Plant eten hebbt, schon vun de ole Tied för Kolumbus her. De Nahbers hebt se schon domols Nadahende ("Mescal-Lüüd") nömmt. As denn de Spanschen kemen wär, hätt se dat ok so mukt. Und vundaag nömmt de Mescalero sülm sick ok so.

Mescalero Apache Reservat[ännern | Bornkood ännern]

Mit meest 4000 Stammeslidmaaten sünd de Mescalero een lütt Volk. Se levt tomest in dat Mescalero Apache Reservat, dat is in de Sacramento Mountains in't Otero County in Nee-Mexiko. Jüm ehr Rebeet nömmt se denn ok Mashgalé-ne bikéyaa ("Lann von de Lüüd bi de Bargen"). Dor is een Ort Mescalero, wo meest 1400 Lüüd wohnt. Dor is ok de Verwaltung vun ehr Reservat. Dat Reservat is mit ca. 1864 km² so grot as twe mol Berlin. Dat Reservat givt dat sit 1883 an düssen Platz. Dat is just dor, wo de Mescalero schon jümmers worn. Se sünd nich ers dorch de Witten dor hin dreben worrn. Man fröher hebbt se een gröters Rebeet hebt. De hebt ok in de Plains levt. Dann hebt se sich kabbelt mit de Comanche und flöcht in de Bargen. Fröher levt se von't Jagen un Sammeln, ok vun Büütmaken und Rooftügen tegen ehr Nahbers und in Mexico.

1903 keemen Flüchtlings vun de Lipan Apache ut Texas wegen een Kreeg mit de Witten to de Mescalero. Und 1913 keemen noch een paar Chiricahua Apache na't Reservat. All tosamen wär 1934 Lidmaaten vun dat Reservat worrn[2]. Und sit 1936 hett dat Reservat ok ne schreeven Verfassung [3]

In ehr Reservat hebt se vundaag een grot Hotel und Casino, nömmt Inn of the Mountain Gods and Casino. Se hebt ok n Ski-Rebeet, dat se Ski Apache nömmt[4]. Dat is glieks bi ehrn hilligen Barg. Jüm nennt se Dziãgais'â-ní, up angelsch/spaansch Sierra Blanca Peak.

De Mescalero Apache sünd just de Apatschen, wo Karl May vun schreven hett. He hett blots nich dacht, dat dat nich so is, as he dat dacht hett. Dor wär keen Häuptling und dor wär keen Winnetou.

Man se hebbt en Silver Lake[5] (angelsch för Silbersee). Dat is blots nich de See ut dat Book "Der Schatz im Silbersee".

Höldige Mescalero[ännern | Bornkood ännern]

Kiek ok[ännern | Bornkood ännern]

Weblinks[ännern | Bornkood ännern]

Commons-logo.svg Mescalero. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Languages of the World..
  2. https://mescaleroapachetribe.com/our-culture/
  3. https://mescaleroapachetribe.com/constitution/
  4. https://mescaleroapachetribe.com/
  5. https://de.wikipedia.org/wiki/Silver_Lake_(Mescalero_Apache_Reservation)