Meertens-Institut

Vun Wikipedia
Zur Navigation springen Zur Suche springen
Meertens-Institut

Dat Meertens-Institut in Amsterdam is en Ünnersööksinstitut van de Königlich Nedderlandsche Akademie van de Wetenschoppen. Den Naam hett dat Institut na sien eersten Direkter, Piet Meertens, kregen.

Op dat Meertens-Institut warrt Spraak un Kultur vun de Nedderlannen ünnersöcht. De twee Afdelen sünd Nedderlandsche Etnologie, gericht op inheemsche un nich-inheemsche Kulturn in de Nedderlannen un jemehr Tohoopgriepen, un to’n tweten Variantenlinguistik, gericht op spraakstrukturell, dialektoloogsch un soziolinguistisch Ünnersöök na Spraakvariation binnen dat Nedderlandsche in de Nedderlannen, mit en Nadruck op Variation in de Grammatik un Naamkunn. De Ünnersöken sünd aktuell vör allen an de Nutied orienteert: ’t warrt söcht na Verbinnungen mit dat hüdige Samenleven un mit aktuelle Weeggäng. Dat Institut stünn ok Modell för Het Bureau in de Romanreeg van J. J. Voskuil, de dor sülvst lange Tied arbeidt hett.

Dat Meertens-Institut hett op sien Websteden en Reeg Datenbanken to de nedderlandsche Volkskultur: över de nedderlandschen Dialekten, över de nedderlandschen Wallfohrtöörd, de nedderlandsche Familiennaam- un Vörnaamdatenbank, över Plantennamen in de nedderlandschen Dialekten, de nedderlandsche Volksvertellenbank van dat DOC Volksvertellen un de nedderlandsche Lederbank van dat DOC van dat Nedderlandsche Leed.

Direkters[ännern | Bornkood ännern]

Naam Tied
Piet Meertens 1948–1965
Dick Blok 1965–1986
Jaap van Marle 1986–1997
Hans Bennis 1998–

Weblenken[ännern | Bornkood ännern]

Commons-logo.svg Meertens-Institut. Mehr Biller, Videos oder Audiodateien to’t Thema gifft dat bi Wikimedia Commons.