McIntosh (Appel)

Vun Wikipedia
Utsehn vun den Appel

De McIntosh is en Sort vun den Huusappel (Malus domestica).

Geschichte[ännern | Bornkood ännern]

De Sort geiht up Tofallssamling torüch, de bi den Appelbuur John McIntosh up sien Farm in den Weiler Dundela in de kanaadsch Provinz Ontario 1796 opdeckt wurde. Dundela liggt in den ehmalgen Dundas County, dat hüüd to Stormont, Dundas and Glengarry United Counties hörrt, nich wiet vun de Stadt Prescott weg. De Sort keem af 1830 in den Hannel, de Naam McIntosh keem 1870 up.[1]

Wegen de kört Vegetatschonstiet un de Resistenz tegenKolt kunn sück de McIntosh vör allen in Regionen mit koller kontinental Klima as in Kanada, den Nordosten vun de USA oder Polen verbreeden. Enn’n vun de 1990er Johren weer de McIntosh immer noch de tweetwichtigste Appelsort in British Columbia.[1]

Beschrieven, Arnt[ännern | Bornkood ännern]

De Appel hett en geel-gröön Grundfarv, mehr as de Hälft vun de Frucht is root övertrucken. Dat week Fruchtfleesch is witt, düchtig saftig un hett en sööt-süerlichen, aromatischen un würzigen Smack. De Früchte sünd middelgroot bit groot un hemm en dörsnittlichen Dörmeter vun 74 Millimeter.[1] De Boom an sück wurrd tüschen 6 un 8 m groot.

De McIntosh wurrd in Middeleuropa Midden bit Enn’n September arnt. De Vegetatschonsperiood is kört un de Sort koltresistent.[1] McIntosh is bit Enn’n November lagerfähig, in en CA-Lager bit Enn’n Februar.

McIntosh is stark schorfanfällig un mittelmaatig anfällig för Mehltau. Insbesünnere in fuchtiger Klima is de Appel düchtig schorfanfällig, so dat he bispeelswies in England överhoopt nich mehr anplant wurrd. [1] Hingegen is he recht stark resistent gegen Füerbrand.

Verbreet Mutatschonen sünd 'Summerland McIntosh' vun 1929 mit en dörgahnd root Frucht un 'MacSpur', de sück vör allen dör sien goot Krankheitsresistenz un Winterhart uttekent.[1] De kompakt wassend, säulenaardige Mutatschoon 'McIntosh Typ Wijcik' weer Utgangspunkt för verscheeden Sorten vun schlankwassend Appelbööm mit völ bannig kört, to Fruchtspießen umwannelt, blöötenknospendragend Siedendrieven, de so nöömt Säulenappel- oder "Ballerinabööm" (to’n Bispeel 'Bolero', 'Flamenco', 'Polka', 'Waltz').[2]

Gebruuk[ännern | Bornkood ännern]

De Sort is vör allen in dat nordamerikaansch Neuengland besünners anseggt. De Früchte eegnen sück goot för de Verarbeiten to Appelmus, Appelwien un Appelkook.

Sonstiges[ännern | Bornkood ännern]

Apple sien Computermodell-Serie Macintosh wurr – vermootlich vun den Informatiker Jef Raskin – nah de Appelsort McIntosh nöömt; de afwiekend Schrievwies is mögelkerwies dormit to begrünnen, dat dorbi versöcht wurr, Verwesseln mit de in de Audiobranche tätigen Firma McIntosh Laboratory to umgahn.

Enkeld Nahwiesen[ännern | Bornkood ännern]

  1. a b c d e f John E. Jackson: The Biology of Apples and Pears. Cambridge University Press, 2005, ISBN 978-0521021050, S. 42.
  2. Infoschrift: Säulenapfel- und Ballerinabäume. Bayerische Landesanstalt für Weinbau und Gartenbau. Auf LWG.Bayern.de, afropen an’n 16. Februar 2020.

Weblinks[ännern | Bornkood ännern]

Commons-logo.svg McIntosh. Mehr Biller, Videos oder Audiodateien to’t Thema gifft dat bi Wikimedia Commons.