Maud Olofsson

Vun Wikipedia
Maud Olofsson, 2006

Maud Elisabeth Olofsson (* 9. August 1955 in Arnäsvall, Kommun Örnsköldsvik, Sweden as Maud Elisabeth Olsson) is en sweedsche Politikerin. Se is an’n 19. März 2001 Vörsittersche vun Centerpartiet worrn. Siet 2002 hett se en Mandat in’n sweedschen Rieksdag un siet den 6. Oktober 2006 is se de Viez-Ministerpräsidentin un Weertschopsministersche.

Biografie[ännern | Bornkood ännern]

Olofsson is in Högbyn opwassen. Ehr politische Loopbahn hett se 1974 as Ombudsmann vun de sweedsche Zentrumspartei anfungen. Vun 1976 an weer se Liddmaat vun’n Gemeenraat in Luleå. To de Tiet vun de Regeren vun Carl Bildt, vun 1992 bit 1994, hett se as Raatgeversche för den Arbeitsminister Börje Hörnlund arbeidt. An de Parteispitz ist se 2001 wählt worrn un folgt dormit Lennart Daléus na.

Olofsson is 2006 gemeensom mit Fredrik Reinfeldt, den Spitzenkandidat vun de börgerlichen Allianz för Sweden ut Moderata Samlingspartiet, Kristdemokraterna, Centerpartiet un Folkpartiet Liberalerna gegen Göran Persson anpeddt. De Allianz hett tosamen den Machtwessel in de Regeren tostannen kregen. In de Regeren vun Reinfeldt hett Maud Olofsson as de Böverste vun de tweetgröttsten Partei dat Amt as Viez-Ministerpräsidentin överdragen kregen un dorto ok dat Regeer över dat Weertschopsministerium.