Martin Donnelly

Hugh Peter Martin Donnelly (* 26. März 1964 in Belfast) is en ehmalger noordirisch Automobilrennfohrer.

Formel-1-Karriere[ännern | Bornkood ännern]

Nah enig Johren in de Formel 3 un de Formel 3000 geev he in’n Arrows bi den Groot Pries vun Frankriek 1989 sien Formel-1-Debüt. Nah blots een Grand Prix in‘n Arrows-Cockpit ünnerschreev he för de folgend Saison bi Lotus as tweet Fohrer (sien Team-Kolleeg weer Derek Warwick) un hett dor sien eerst vullständige Saison – mit Utnahm vun de letzt beid Rennen – bestreden.

In dat Qualifying to’n Grooten Pries vun Spanien 1990 in Jerez de la Frontera is Donnelly swoor verunglückt. Sien Wagen keem in en flink Rechtsknick vun de Fohrbahn af un is mit hooch Geschwindigkeit in de Leitplanke prallt. Dör de Upprall is dat Fohrtüüch utnannerbraken un Donnelly wurr samt sien Sitt, an den he fasttüdert weer, up de Streck schleudert. Trotz swoor Besehren hett he den Unfall överleevt, muss aber sien Formel-1-Karriere upgeven.

He hett in sien Loopbahn insgesamt 13 vun 15 Formel-1-Rennen bestreeden, för de sien Nennung vörlegen harr.^[1]

Nah de Formel 1[ännern | Bornkood ännern]

Nah den Rücktoog ut de Formel 1 un de lang andüern Rehabilitatschoon gung Donnelly in eenig Inladensrennen (ünner annern Rallycross) un Rennen mit historsch Fohrtüüch an den Start.

1992 hett he en Vauxhall Junior Team upbaut. Dat Team Martin Donnelly Racing weer bannig spoodriek in de Eensitter-Nahwussformeln un hulp de Karrieren vun en nee Generatschoon vun jung Fohrers, deren Teel de Formel 1 weer, uptobauen. Dat Team wurr 2004 uplöst, wiel Donnelly Konkurs anmellen muss wegen Nich betallen vun Stüürn un rechtlich Striedereen wegen de Fohrerverdrääg. In dat glieker Johr nehm he an en 24-Stünnen-Rennen in dat britisch Silverstone deel. 2019 is Donnelly in’n Rahmenvun en Motorradrennens för wohltätige Zwecke swoor to Fall kommen un hett komplizeert Bienbröök erleden. Motorsportkollegen hemm dornah en fiefstellig Summ för hüm sammelt. ^[2]

Zitat[ännern | Bornkood ännern]

It’s one of the best times I’ve had on four wheels. Some of the Formula One boys should come here to find out again what the fun in motor sport is all about!

Das war eines der besten Erlebnisse, das ich auf vier Rädern hatte. Einige der Formel-1-Jungs sollten mal hierher kommen, um wieder herauszufinden, wie viel Spaß man im Motorsport haben kann!

„Dat weer een vun de besten Beleevnissen, dat ik up veer Röder harr. Enige vun de Formel-1-Jungens schöölt maal hierher kamen, wedder ruut to finnen, wat Motoorpsorrt en Spaß sien kann“
Martin Donnelly Anfang vun de 1990er Johren nah en Rallycross-Inladensrennen to dat britisch Rennsportmagazin Autosport.