Mark Iuliano

Vun Wikipedia
Zur Navigation springen Zur Suche springen

Mark Iuliano (* 12. August 1973 in Cosenza, Italien) is en ehmalger italieensch Footballspeler un hüüd Footballtrainer. To sien aktiv weer he meesten as Binnenverteidiiger insett.

Karriere[ännern | Bornkood ännern]

In’n Vereen[ännern | Bornkood ännern]

Mark Iuliano fung sien Loopbahn bi Salernitana Calcio in de Serie B an. Ornah wurr he utlehnt an den FC Bologna un Calcio Monza, ebenfalls in de tweet italieensch Liga. Den wichtigsten Deel vun sien Loopbahn hett he van 1996 bit 2005 bi Juventus Turin speelt, wo he johrenlang Stammspeler ünner Trainer Marcello Lippi weer un groot Erfolge fiern kunn. In‘n Januar 2005 is he to Real Mallorca wesselt, vun de he in’n Januar 2006 to Sampdoria Genua gung. In de Saison 2006/07 speel he för FC Messina in de Serie A. Af Januar 2008 stunn Iuliano bi Ravenna Calcio in de Serie B ünner Verdrag. An‘n 1. Juni 2008 wurr he bi en Dopingkontrolle positiv up de Innahm vun Kokain test[1] un för twee Johren sparrt.[2] Dormit weer sien Profiloopbahn vörbi un he funn lang Tiet kein Vereen. To de Saison 2010/11 speel he bi den Achtligisten San Genesio Calcio in de Prima Categoria fort.[3]

In de Natschonalmannschap[ännern | Bornkood ännern]

Mark Iuliano hett 19 Lännerspelen för Italien maakt un dorbi een Door schaaten. Sien Debüt geev he an’n 5. September 1998 in en Speel gegen Wales un sien letzt Insatz weer an’n 20. November 2002 gegen de Mannschap ut Törkie. Mit de Squadra Azzurra hett Iuliano an de Football-Europameesterschap 2000 un an de Football-Weltmeesterschap 2002 deelnommen.

Weblinks[ännern | Bornkood ännern]

Enkeld Nahwiesen[ännern | Bornkood ännern]

  1. "Cocaina, Iuliano positivo", www.gazzetta.it, afropen an’n 1. Juli 2008 (italieensch)
  2. Doping: due anni di squalifica per Mark Iuliano espnfc.com 1. August 2008
  3. Mark Iuliano torna a in campo: farà l'attaccante (Memento von dat Original von’n 10. September 2010 in dat Internet Archive)  Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.datasport.it, www.datasport.it, Zugriff am 30. Dezember 2010 (italienisch)