Marie Fitger
Marie Fitger (* 10. Mai 1843 in Demmost; † 11. Februar 1929 in Bremen) is ene hoochdüütsche un plattdüütsche Schrieversche. Se is en Suster vun den bekannten Maler un Dichter Arthur Fitger.
Leven
[ännern | Bornkood ännern]Marie Fitger is in Demmost as Dochter vun den Postmeester Peter Diedrich Fitger un siene Fro Clara, borene Plate, to Welt kamen. De Vadder weer 1865 storven, un as 1869 de Iesenbahn na Demmost kamen is, hett de Mudder de Poststatschoon upgeven un is na Bremen tagen. Marie hett, just as de Broder Arthur un de Suster Cornelia, nie nich heiraat. Vun 1890 af an hett se mit ehrn beröhmten Broder in siene Villa in den Bremer Stadtdeel Hoorn leevt un hett em den Huusholt föhrt. As ehr Broder 1909 storven weer, hett se siene Gedichten un Biller sammelt un ok dorför sorgt, dat unner den Titel „Einsame Wege“ en Utwahl vun siene schönsten Gedichten in en Berliner Verlag rutkamen is. Up Hoochdüütsch hett se över ehre Kinnertied in Demmost schreven, ok plattdüütsche Geschichten un Gedichten hett se rutbröcht[1]
Warken
[ännern | Bornkood ännern]- Von den Fischer un sine Froo, Märken
- De Reiherjagd im Stüh, Vertellen in Versen
Belegen
[ännern | Bornkood ännern]- ↑ Delmenhorster Lebensbilder III, Marie Fitger, S. 45-47