Margarita Drobiazko

Vun Wikipedia
Zur Navigation springen Zur Suche springen

Margarita Alexandrowna Drobiazko (* 21. Dezember 1971 in Moskau, Sowjetunion) is en ehmalge litauische Ieskunstlöperin, de in’n Iesdanz antreeden dee.

Mit hör Iesdanzpartner Povilas Vanagas wurr se van 1992 bit 2006 litauische Iesdanzmeesterin, blots ünnerbraaken in de Johren 2003 un 2004, as se gar nich an Wettbewarfen deelnommen hemm. In den sülvigen Tietruum hemm Drobiazko un Vanagas an twalf Welt- un Europameesterschapen deelnommen. Dorto keem noch de Deelnahm an fiev Olympisch Spielen, dormit weern se de eersten un eenzigen Ieskunstlöper, de fiev Olympisch Spelen bestreeden hemm. Bi de Europameesterschapen 2000 un 2006 hemm se jewiels de Bronzemedaille wunnen. Bi de Weltmeesterschap 2000 keem en wiedere Bronzemedaille dorto. Bi Olympisch Spelen hemm se kien Medaille wunnen, Platz 5 in dat Johr 2002 weer dat beste Resultat. 2003 bit 2005 hemm se nich an internatschonalen Wettbewarfen deelnommen un sünd in de Tiet in Shows uptreeden, weern aber nich Profis. So kunnen se 2006 weer an de Olympisch Winterspelen deelnehmen, wo se up den 7. Platz lannen deen.

Drobiazko un Vanagas sünd siet Juni 2000 verheiraadt.

Weblinks[ännern | Bornkood ännern]