Marco Bode

Vun Wikipedia

Marco Bode (* 23. Juli 1969 in Osterode) is en ehmalger düütschen Footballspeler.

Bode is 1969 boren un in Schwiejershusen opwussen. He hett dat Footballspelen bi’n VfR Osterode 08 anfungen un güng 1988 to de Amatörs vun Werder Bremen. Denn hett Otto Rehhagel em in de eerste Mannschop haalt un Bode hett vun 1989 bet 2002 379 Spelen in de eerste Bundsliga för Werder Bremen maakt. He hett in disse Tiet blot teihn gele Koorten kregen un gellt as een vun de fairsten Footballspelers överhaupt. Toglieks hett he 101 Doren schaten, mehr as ans een för Werder Bremen. Bi Bremen is he 1993 Düütschen Meester worrn, 1991, 1994 un 1999 DFB-Pokalwinner un 1992 Winner vun’n Europapokal vun de Pokalwinners. Ok för de düütsche Natschonalmannschop hett he in de Tiet vun 1995 bet 2002 40 Spelen maakt un negen Doren schaten. Mit de Natschonalmannschop is he 1996 Europameester worrn. Na de WM 2002 hett he dat Footballspelen opgeven un maakt nu fakener mal Football-Reporter.