Lymphopenie

Vun Wikipedia
Wesseln na: Navigatschoon, Söök

As Lymphopenie (Lymphozytopenie) warrt en Mangel an Lymphozyten in’t Blood betekent. Lymphopenien künnt dör Viren över en Infekschoonskrankheit, dör rore Krankheiten vun’t Immunsystem, böösordige Ännern vun’t Knakenmark oder dör eenige immundepressive Heelmiddels, as se to’n Bispeel bi eenige Chemotherapien bruukt warrt, utlöst warrn.

Ok Lüüd, de ünner AIDS lieden doot, hebbt en Mangel an Lymphozyten, wat in den Fall de T-Zellen bedrapen deit. Wieter kann en Lymphopenie ok as Naklapp vun en extrem hoge Strahlenlast optreden, as dat to’n Bispeel bi de Oppers vun de Katastrooph vun Tschernobyl beobacht worrn is.

Dör en Lymphopenie stiggt wegen de sietere Tall an Lymphozyten dat Risiko, en Virusinfekschoon to kriegen. En Hypothees ut jüngere Tiet, de vun Forschers vun’t Scripps Research Institute in Kalifornien opstellt worrn is, beseggt, dat Lymphopenien mööglicherwies ok an’t Vörkamen vun Autoimmunkrankkheiten bedeeligt sünd. En Nawies dorför gifft dat aver noch nich.

Weblenken[ännern | Bornkood ännern]