Luise Schapp

Vun Wikipedia
Zur Navigation springen Zur Suche springen

Luise Schapp (boren Groeneveld; * 11. April 1912 in Bunde, Landkreis Leer7. April 2016)[1]) weer en düütsch Juristin, Politikerin (CDU) un ehmalg Liddmaat vun den Landdag Neddersassen.

Leven[ännern | Bornkood ännern]

Nahdem se 1931 in Leer de Hoochschoolriep kreegen harr, hett Luise Schapp de Breslauer Sozialpädagogisch Fruenschool besöcht un dor 1934 dat Examen as Jugendwohlfahrtsplegerin maakt. Van 1935 bit 1938 hett se as Heimleiterin in den Landkreisen Köslin un Stolp un in Ostpommern arbeit. 1938 hett se den Philosophen un Juristen Wilhelm Schapp heiraadt un hett dornah Rechtswetenschap in Berlin, Chöttingen un Mönster studeert. Hör twee Söhns wurrn wiels dat Studium boren, dat Referendarexamen hett se 1942 afleggt, fiev Johr later bestunn se de groot juristisch Staatsprüfung. Gemeensam mit hör Mann bedreev se af 1948 in Auerk en Anwaltsbüro, af 1956 weer se ok Notarin. Nahdem hör Mann 1965 storven weer, hett se de Notariats- un Anwaltspraxis wieder führt.

Luise Schapp is 1948 in de CDU intreden. Se wurr Verwaltensraatliddmaat vun de Auerker Sporkass. Se weer af 1948 meest dörgängig in den Raat vun de Stadt Auerk un 1952 wurr se ok in den Auerker Kreisdag wählt.

Van’ 21. Juni 1970 bit 20. Juni 1978 weer Luise Schapp Liddmaat vun den Neddersassischen Landdag (7. un 8. Wahlperiood). In de Tiet van’ 8. Juli 1970 bit 20. Juni 1978 weer se dor Schriftführerin.

Luise Schapp weer Wittfru un hett twee Söhns. För hör Leistungen kreeg se 1983 dat Bundsverdeenstkrüüz 1. Klass.

Literatur[ännern | Bornkood ännern]

  • Barbara Simon: Abgeordnete in Niedersachsen 1946–1994: Biographisches Handbuch, 1996, Seite 325
  • Marion Röwekamp: Juristinnen: Lexikon zu Leben und Werk. Nomos, 2005. ISBN 3832915974
  • Würdigung to’n 100. Gebortsdag in Ostrfriesische Nachrichten van’ 11. April 2012

Enkeld Nahwiesen[ännern | Bornkood ännern]

  1. Traueranzeige auf www.ok-trauer.de, abgerufen am 17. April 2016.