Luise Cooper

Vun Wikipedia
Zur Navigation springen Zur Suche springen

Adolphine Luise Cooper (* 4. April 1849 in Oppeln; † 1. Dezember 1931) weer en düütsche Missionarin, Schrieversche un de Grünnerin von de Hilmsser Blinnenmission.

Mit acht Johr keem Cooper na Bossel in Oolland, wo ehr Vader Carl Ferdinand Cooper Pastoor weer. De Deern weer faken krank un hett tohuus Ünnerricht von ehren Vader kregen. Anreegt dör ehren Vader un de Vertellsels von ehren engelschen Opa Samuel Cooper, de as Dokter un Koopmann üm de Welt reist is, wull se in’n Missionsdeenst gahn.

Swester Martha Postler un chineesch Deerns in Hongkong, 1900

An’n 21. April 1884 is Cooper von de Berliner Mission na Hongkong schickt worrn, nadem se vörher vergeevs versöcht harr, as Missionarin na Afrika to kamen. In China hett se sik för blinne Deerns insett. Al twee Johr later müss se aver wegen Krankheit disse Arbeid nageven un keem na Düütschland trügg. Ehr Arbeid in China hett Martha Postler övernahmen. Cooper hett sik aver liekers wieder för de blinnen Deerns in China insett un veel in Schriften opropen, jem to helpen. 1890 hett se in Hilmssen den Frauenmissionsvereen grünnt. Bet 1926 weer se Vörsittersche von de Hilmsser Blinnenmission.

In Hilmssen is vondaag de Louise-Cooper-Straat na ehr nöömt.

Weblenken[ännern | Bornkood ännern]

Literatur[ännern | Bornkood ännern]

  • Gisela und Gerhard Schulte (Rutgevers): Frauen tragen die Hälfte des Himmels. Hervorragende Frauen in der Arbeit der Hildesheimer Blindenmission. Aus dem Leben von Louise Cooper, Martha Postler und Wong Bo Oi. Festgabe zum 110jährigen Bestehen der Hildesheimer Blindenmission. Hilmssen 2000