Luis Ocaña Pernía

Vun Wikipedia
Zur Navigation springen Zur Suche springen
Luis Ocaña.jpg

Jesús Luis Ocaña Pernía (* 9. Juni 1945 in Priego, Provinz Cuenca; † 19. Mai 1994 in Mont-de-Marsan) weer en spaansch Radrennfohrer.

He is allerdings in Frankriek upwussen, so dat man hüm dor de Naam "De Spanier vun Mont Marsant" geev. Fördert wurr sien Talent dör den ehmalgen Radsportler un Tour-de-France-Sieger Antonin Magne. All as Amateur kunn he sien Stärke as Tietfohrspezialist wiesen, as he 1965 den tweeten Platz bi den Grand Prix de France, 1966 den tweeten un 1967 den eersten Platz bi den Grand Prix des Nations vun de Amateure belegg.

1968 wurr he Profi, fuhr toeerst in dat spaansch Team Fagor-Fargas, later in de franzöösch Bic-Mannschap, dornah weer in Spanien för Super-Ser. Legendär wurr de "spaansch Merckx" (Zitat vun de dormalig spaansch Sportpresse) neben sien Tour-Sieg 1973 ok dör dat Pech bi de Tour 1971. He führ dat Gesamtklassement all mit mehr as acht Minüüten tegenöver Eddy Merckx an, ehe he up de 14. Deelstreck vun Revel nah Bagnères-de-Luchon so swoor to Malör keem, dat he de Tour upgeven muss. Bi de Tour de France 1977 wurr he wegen Doping mit Pemolin een Maand (up Bewährung) sparrt, kreeg teihn Straafminüüten un muss 1000 Swiezer Franken Straaf betahlen.[1]

Wiedere Erfolge:

1977 hett he sien aktiv Loopbahn afslooten. In de Folgetiet hett he bi verscheeden Rennställen de Rull vun en Sportdirekter övernommen. 1994, kört vör Beginn vun de Tour, hett sück Luis Ocaña in sien Finca in Südfrankriek sülvst dood schaaten. Wohrschienlich Grund dorför weer en swoor Erkrankung: Wenig Maand för sien Dood harr he nah en swooren Autounfall en versüükt Bloottransfusion kreegen, in deren Folg he an Hepatitis C krank wurr.

Enkeld Nahwiesen[ännern | Bornkood ännern]

  1. Ralf Meutgens: Doping im Radsport, Bielefeld 2007, S. 258. ISBN 978-3-7688-5245-6

Weblenken[ännern | Bornkood ännern]