Ludwig Eberhard Franzius

Ludwig Eberhard Franzius (* 15. September 1829 in Leer; †) weer en düütschen Verwaltungsbeamten.

Franzius is 1828 as Söhn von Henriette Marie Helene, borene Beninga-Kettler (* 19. Mai 1800), un den Notar Johann Albrecht Franzius (1. Juni 1795-6. September 1868) in Leer boren. He is an’n 9. Oktober 1855 Amtsassesser worrn, 1860 na dat Ministerium in Hannover gahn un 1861 bet 1866 Assesser von de Kloosterkamer Hannover bi dat Amt Medingen ween. To’n 30. März 1868 is he Regerungsraad worrn un hett bi’n Regerungsbezirk Stettin anfungen. Dor is he ünner annern Militärdepartementsraad ween. He is 1877 Bezirksverwaltungsgerichtsdirekter bi dat Verwaltungsgericht in Stralsund worrn un hett 1879 dat sülve Amt in Stettin kregen. An’n 12. September 1883 is he Böververwaltungsgerichtsraad worrn. Bet 1885 weer he denn bi dat Böververwaltungsgericht Berlin.

He weer von 1. April 1885 bet 1888 Regerungspräsident von’n Regerungsbezirk Stood.

Franzius hett an’n 15. September 1866 Auguste Luise Heinzmann (* 1. März 1842) freet. De beiden hebbt den Söhn Johann Ferdinand Albrecht (31. Juli 1867-3. Juni 1888) hatt.