Ludwig Christians

Vun Wikipedia
Zur Navigation springen Zur Suche springen

Ludwig Christians (* 1. November 1875 in Westerstäe; † 1940 in Bremen) weer en düütschen Schoolmeester un Verwaltungsbeamten.

Christians is 1875 in Westerstäe boren. He is 1896 Schoolmeester in Westen un 1902 an de Volksschool in Vesack worrn. 1920 is he Schoolinspekter in Bremen worrn.

He weer in de SPD aktiv. 1919 bet 1920 weer he Afornten in de Bremer Natschonalversammlung. He weer ok Vörsitter von de Stadtkamer in Vesack.

He is in’n Juli 1920 as Nafolger von Karl von Buchka Landraad von’n Kreis Blomendal worrn. Christians is kort na’n Preußenschlag an’n 28. Juli 1932 as Landraad afsett worrn. Korte Tied hett Kurt Wellenkamp dat Amt övernahmen un denn is de Kreis oplööst un mit’n Kreis Oosterholt to’n ne’en Kreis Oosterholt tohoopleggt worrn.

Christians weer as sozialdemokraatschen Landraad en grote Utnahm. In’n Regerungsbezirk Stood weer he de eenzige Sozialdemokraat. Dat hett sik eerst 1928 ännert, as Hinnerk Willem Kopp Landraad in’n Kreis Hadeln worrn is. 1932 weer dat aver för beide ut. Christians weer as Schoolmeester noch ut en twete Sicht en Utnahm, de Landrääd in’n prüüßschen Staatsdeenst weren normalerwies allens studeerte Juristen.

Na em is de Landraad-Christians-Straat in Blomendal nöömt.