Kurt Wellenkamp

Vun Wikipedia
Zur Navigation springen Zur Suche springen

Kurt Clamor Wellenkamp (* 30. Januar 1903 in Oosterholt; † 1984) weer en düütsche Verwaltungsbeamten.

Wellenkamp is 1903 as Söhn von’n Magistratsraad Bruno Wellenkamp in Oosterholt boren. He hett Juristeree an de Universitäten Heidelberg, Tübingen, München un Göttingen studeert. 1929 keem he as Regerungsassesser an dat Landraadsamt von’n Landkreis Belgard un weer denn bet 1932 bi de Regerung in Stettin.

Nadem Ludwig Christians in’n August 1932 as Landraad von’n Kreis Blomendal afsett worrn is, hett he dat Amt kommissarsch övernahmen. De Kreis is aver al to’n 1. Oktober 1932 oplööst worrn. Von 1932 bet 1934 weer Wellenkamp Regerungsraad in dat Prüüßsche Finanzministerium. He is in’n Juli 1934 as Nafolger von Paul Oskar Schuster toeerst vertredungswies, in’n September 1935 denn richtigen Landraad von’n Landkreis Cammin worrn. In’n Oktober 1940 is he as Soldaat för den Tweten Weltkrieg na de Wehrmacht intagen worrn. Sien Vertreder in Cammin weer Ernst Kribben. 1942 is Wellenkamp as Nafolger von Adalbert Boettcher versett worrn na’n Landkreis Franzburg-Barth. Dor weer he bet 1945 Landraad. Dat weer aver mehr en formale Saak, he weer jümmer noch Soldaat.

Na en korte Tied as Richter an’t Verwaltungsgericht Hannover 1950 is he as Ministerialraad Baas von dat Rechtsafdeel in’t Bundsministerium för Angelegenheiten von’n Bundsraad ween.

1967 hett he dat Grote Verdeenstkrüüz von de Bundsrepublik Düütschland kregen.