Liviney-Kolonie

De Liviney-Kolonie is en Mennisten-Kolonie in dat Municipio Puerto Gaitán, Departamento Meta, Kolumbien. Dat liggt in de Llanos.

Historie

Bet 2016 weren Mennisten noch nich präsent in Kolumbien. Dat hett woll dör mennonietsche Missionsarbeid Kuntakte na Kolumbien geven, aver keen Kolonien. 2016 hebbt Gruppen von Mennisten ut verscheden Kolonien anfungen, Land in Kolumbien to köpen. Düt Land leeg twüschen Río Muco un Río Guarrojo in dat Municipio Puerto Gaitán. Dat eerste Land weer de 7200 Hektar grote Finca Liviney, na de de Kolonie nöömt is. De Finca Liviney is von Lüüd ut de Manitoba-Kolonie in Mexiko köfft worrn. Tosätzlich hebbt Lüüd ut de Ojo-de-la-Yegua-Kolonie in Mexiko de Australia-Kolonie anleggt, de so bi 7000 Hektar groot is. De drüdde Kolonie weer La Florida, de 2000 Hektar groot is.

Stand 2019 hebbt Mennisten ok Land in San Jorge, Los Venados un Pajuil opköfft.