Liisi Oterma
Liisi Oterma (* 1915; † 4. April 2001) weer en finnisch Astronomin un Opdeckerin von 54 Asteroiden un twee Kometen.
De talenteert jung Liisi Oterma studeer an de Universität Turku – eerst in dat Fack Mathematik, dornah in dat nee inricht Studiengang Astronomie. Tosommen mit Yrjö Väisälä, dessen Schöler se anfangs weer, weer se maatgeblich an de Upbau vun de astronoomsch Forschung in Finnland bedeeligt. Se weer de eerste Fru, de in Finnland hör Doktertitel in Astronomie makt hett. Hör Dokterarbeit hett sück mit en Thema ut de Teleskop-Optik befaat. Later henn weer se Perfesser an de Universität Turku un is Nahfolgerin vun Väisälä as Direktersche vun dat Tuorla Observatorium wurrn.
In hör Loopbahn hett Liisi Oterma in’ Rahmen vun dat intensivste Asteroiden-Söökprogramme in Finnland 54 Asteroiden opdeckt as ok u. a. de Kometen 38P/Stephan-Oterma un 39P/Oterma. Hör sülvst wurr de Asteroid (1529) Oterma widmet, de 1938 vun hör Mentor Yrjö Väisälä opdeckt wurrn is. Oterma harr völ Interessen un weer bannig begabt, weer aber wat hör sülvst bedrapen dee, ganz still un bescheiden. De däänsch Perfesser Anders Reiz hett mal seggt, Liisi Oterma kunn in elf verscheeden Spraken hör Mund hollen, dorünner Düütsch, Engelsch, Franzöösch, Ungaarsch, Spaansch, Italiensch un Esperanto. Hör Dissertatschon hett se in de franzöösch Spraak afhollen.