Lemvig

Vun Wikipedia
De Kark vun Lemvig

Lemvig is ene Stadt in’n Noordwesten vun Jütland in Däänmark. De Stadt liggt in de Amtskommun Ringkjøbing an’t Süüdöver vun de Nissum Bredning, wat en Deel vun’n Limfjord is, un is de Seet vun de Kommun Lemvig. De Stadt Lemvig hett 7.282 Inwahners (2004).

De Landschop vun Lemvig is präägt vun de letzte Iestiet. De Stadt is 1234 dat eerste Maal nöömt worrn. Dat Stadtrecht is vun 1545.

De Kark stammt ut dat 13. Johrhunnert, se hett en för Däänmark gor nich tyypschen Zibbeltoorn un binnen snittschert Rokokoinventar.

En besünnere Attrakschoon vun Lemvig is de Planetenstieg (planetstien). An’n Stadtrand steiht en Modell vun’e Sünn vun Bronze mit’n Skaal vun 1:1 Milliard, wat en Dörmeter vun 1,4 Meter för de Sünn bedüüd. In Afstänn, de to’n Skaal passt, finnt sik Modellen vun de negen Planeten (Pluto, de hüüt vun de IAU blots noch as Dwargplanet ansehn warrt, mittellt), je as lütte Bronzekugeln op Granitsockels. De büterste Planet Pluto staht an’n Rand vun’n Limfjord fief Kilometer vun Lemvig weg.

Bekannt Lüüd ut disse Stadt[ännern | Bornkood ännern]

Weblenken[ännern | Bornkood ännern]