Landkanton Bremen

Vun Wikipedia
Zur Navigation springen Zur Suche springen

De Landkanton Bremen weer as Kanton en Verwaltungsrebeed in de Franzosentied (1811-1813).

Historie[ännern | Bornkood ännern]

Dat Rebeed weer vörher Deel von Bremen. Dat hett aver nich direkt to de Stadt Bremen höört, de Öörd weren Deel von de Bremer Goe.

Dat Franzöösche Kaiserriek harr siet 1803 dat Kurförstendom Hannover besett hollen, an dat Bremen grenzen dee. In’n Süden von Bremen is 1807 dat Königriek Westfalen utropen worrn, dat grote Delen von dat Kurförstendom ümfaten dee. De Rebeden üm Bremen ümto sünd aver toeerst hannöversch bleven. Eerst 1810 is dat Kurförstendom Hannover kumplett oplööst worrn un dat Königriek Westfalen mit sien Departement von de Elv- un Wersermünnen dee direkt an Bremen grenzen.

Man al to’n 1. Januar 1811 harr düsse Tostand wedder en Enn. Dat Königriek Westfalen müss dat Departement von de Elv- un Wersermünnen direkt an dat Franzöösche Kaiserriek afgeven. Ok de Stadt Bremen is an Frankriek anslaten worrn. De Stadt sülvs is in dree Stadtkantons indeelt worrn, ut de Goe is de Landkanton Bremen worrn. De Landkanton weer nu een von de ölven Kantons, ut de de Distrikt Bremen in dat Departement von de Wersermünnen tohoopsett weer.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover un dat Förstendom Bruunswiek-Wulfenbüttel sünd denn wedder herstellt worrn un de ole Stand von vör 1810 wedder dor.

Kantons[ännern | Bornkood ännern]

De Kanton harr 9544 Inwahners un weer indeelt in söss Mairien:[1]

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 94