Lambada Loomst

Vun Wikipedia
Zur Navigation springen Zur Suche springen
Luftbild von Loomst mit dat Schoolzentrum un dat Lambada in de Bildmidd, von Süüdwesten keken (2013)

Dat Lambada Loomst is dat Swemmbad von de Gemeen Loomst in’n Landkreis Cuxhoben. Dat liggt in Loomst an de Schützenstraat (Kreisstraat 32 na Nindörp hen). Dat Hallenbad is 1967/1968 mit boot worrn, as ok de Oberschool Loomst un de Turnhall boot worrn sünd. 1992 is dat Bad för 3,5 Milljonen Mark saneert un ümboot worrn un hett dorbi ünner annern en Swemmkanaal, en Swallwaterbruus, en Waterpilz un en Kladderfels tokregen.[1]

Dat Lambada hett blangen Swemmer- un Nichswemmerbecken ok en 40 Meter langen un 32 °C warmen Rundkanaal för de Kinners, in den dat Water rümströömt. Dat Swemmbad warrt siet 2009 mit Warms ut de Biogasanlaag von Familie Kohrs ut Nindörp versorgt.

Weblenken[ännern | Bornkood ännern]

Footnoten[ännern | Bornkood ännern]

  1. Heute vor 25 Jahren, Niederelbe-Zeitung von’n 7. Juni 2017, Sied 7


Koordinaten:53° 38′ N, 9° 6′ O