Lüttich

Vun Wikipedia

Lüttich (franzöösch amtlich Liège, bit 1949 Liége, walloonsch Lîdje, nedderlannsch  Luik D) is dat kulturell Zentrum vun de Walloonsch Region vun Belgien, Hööftstadt vun de glieknaamig Provinz un vun dat Bisdom Lüttich.

As Stadt mit 194.715 Inwahners (Stand: 01.01.2011) up en Flach vun 69,39 km² liggt Lüttich an den Tosommenfloot vun Ourthe un Maas nich wiet vun de Städer Maastricht in den Nedderlannen un Aken in Düütschland. Dat Lütticher Becken tellt samt Vörstäder ungefähr 600.000 Inwahner. Dat Bevölkerungswassdom vun de Stadt is mit 0,5 % pro Johr etwa so hooch as de belgisch Dörsnitt (0,6 %).

In Lüttich gifft dat neben en Universität verscheeden anner Hoochscholen, en kathoolschen Bischopssitt, en Theater, een Oper (Opéra royal de Wallonie) as ok wiedere kulturell Inrichtungen.

Historie[ännern | Bornkood ännern]

De Naam to Tiet vun de Römer weer „Leodicum“ bzw. „Vicus Leodicus“. 717 entwickelte sück de Stadt as Bischopssitt un weer in't Middelöller en bedüüdend politisch un kulturell Zentrum. In dat utgahn Middelöller hörr de Stadt to dat Territorium vun dat Fürstbisdom Lüttich.

De regeeren Fürstbischööp vun Lüttich sünd meest ut den Adel vun dat Hillig Röömsch Riek afstammend ween. Machtzentrum vun dat Fürstbisdom Lüttich weer dat ebenfalls vun Adligen ut dat Riek beherrscht Domkapitel, en vun de gröttsten in Middeleuropa. Albrecht II. von Cuyk hett den Börgern vun de Stadt 1196/1198 eerste Privilegien geven. En städtisch Autonomie kunn sück as in anner geistlich Territorien vun dat Riek blots ungenügend entwickeln. 1789 keem dat, to'n Deel in Verbindung mit de Franzöösch Revolutschoon, to de so nömmt Lütticher Revolutschoon. De richt sück gegen de absolutistisch Herrschaftswies vun den Fürstbischop Konstantin-Franz von Hoensbroeck un wurr Anfang 1791 vun Truppen in' Updrag vun dat Hillig Röömsch Riek daalslahn.

Platz Saint-Lambert mit den fürstbischöplichen Palast
Lüttich: Pütt up de Place du Marché

Wiels de Franzööösche Revolutschoon wurr de den Hilligen Lambertus, den eersten Bischop vun Lüttich, weeht Kathedrale plünnert un daalbrennt.[1]

Van 1888 bit 1892 wurr Lüttich to en Festung utbaut. Sowohl in' Eersten Weltkrieg as ok in' Tweeten Weltkrieg weer Lüttich dorum hart umkämpt.

An' 13. Dezember 2011 geev dat en Anslag, bi de söss Minschen to Dood keemen un 124 Minschen verletzt wurrn.


Literatur[ännern | Bornkood ännern]

  • Baedeker „Belgien“. Ostfildern: Verlag Karl Baedeker 1998 (3), ISBN 3-87504-417-7, S. 285–297

Weblenken[ännern | Bornkood ännern]

Liège. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Tietgenössisch Steeken vun Jean-Noël Chevron siehe
    Cathédrale Notre-Dame-et-Saint-Lambert de Liège up Commons. Mehr Biller, Videos oder Audiodateien to’t Thema gifft dat bi Wikimedia Commons.
    .