Kroonsbeer

Vun Wikipedia
Kroonsbeer Enn August op Åland

De Kroonsbeer (f., pl. Kroonsbeern, lat. Vaccinium vitis-idaea, düütsch: Preiselbeere) is een Plantenoort ut de Gatten vun de Bickbeern. Man find’t eer öberall in Europa un in Noordamerika. De Kroonsbeern wasst as lütte Strüük, de so 10 bet 40 cm hooch ween künnt, de Wöttel sünd allerdings teemlich deep, bet to’n Meter in’e Eer. Blöhen doot de Kronnsbeerstrüük in de Maanden Juni un Juli, de Blöten bestaht ut veer witte Bläder, de kelkortig staht. Vun Enn Aust bet to’n Anfang September wasst de Frücht, de toeerst witt sünd un denn mit de Sünn root un riep warrt. De Kroonsbeern smeckt, ok wenn se richtig riep sünd, een lütt beten suur un bitter.

Weblenken[ännern | Bornkood ännern]

Kroonsbeer. Mehr Biller, Videos oder Audiodateien to’t Thema gifft dat bi Wikimedia Commons.