Kreta

Vun Wikipedia
Wesseln na: Navigatschoon, Söök

Kreta (Κρήτη, Kriti) is de gröttste greeksch Eiland un mit 8.331,231 km² Flach sowie 1.040 km Küstenlinie de fieftgröttste Eiland in’t Middelmeer. De mit to de Verwaltungsregion Kreta gehörend, vör de kretische Süüdwestküst liggend Eiland Gavdos markeert den süüdlichsten bewahnten Punkt vun Europa.

Kreta hett alltohopen 600.159 Inwahners (Stand 2001). Verwaltungs- un Wertschapszentrum vun Kreta is Iraklio (fröher ok Heraklion), mit ruch weg 140.000 Inwahners ok de gröttste Stadt vun Kreta.

Geografie[ännern | Bornkood ännern]

Topografisch Koort

Kreta liggt 160 km süüdlich vun dat greeksche Fastland, un is de gröttste greeksch Eiland un nah Zypern de tweetgröttste vun dat ööstlich Middelmeer. Dat Eiland hett en gestreckte Form un mett in Oost-West-Richtung över 260 km bi en gröttste Breed vun 60 km, an de smallste Stee (bi Ierapetra) is se 12 km breet. Dat Water in’ Noorden wurrd Kretisch Meer nömmt (gr.: Κρητικό Πέλαγος), dat in’ Süüden Libysch Meer (Ggr.: Λιβυκό Πέλαγος), Kreta sien Oostenn’ reckt sück in dat so nömmte Karpathische Meer. De Messara-Even is mit ruch weg 140 km² de gröttste Even vun dat Eiland. Se wuurd intensiv landweertschaplich nutzt.

Up Kreta gifft dat vööl Bargen, de sück in en Kett vun West nah Oost reckt. De gröttste Bargen up Kreta sünd:

  • De Ida-Bargen mit de Psiloritis (35.18° N 24.82° E) as hööchsten Barg vun dat Eiland (2.456 m hooch),
  • De Witte Bargen oder Lefka Ori (2.452 m hooch),
  • De Dikti-Bargen (2.148 m hooch) un
  • De bit to 1.476 m hooch Thripti-Bargen in den butersten Oosten vun Kreta.

Dissen Bargen verdankt Kreta de fruchtboren Hoochevenen Lasithi, Omalos un Nida, Höhlen as de Diktäische Höhle un deep Sluchten as de bekannte Samaria-Slucht.