Kortverkoop

Vun Wikipedia
Wesseln na: Navigatschoon, Söök

En Kortverkoop (ok Blankoverkoop, Short Sale oder Leddigen Verkoop) is dat Verkopen vun Göder, de den Verköper to de Tied, wo he jem verköfft, noch gor nich tohöörn doot. Dor kann sik dat um Waren, Geldsorten oder Weertpaperen bi hanneln. De Verköper verdeent mit den Kortverkoop Geld, wenn de Pries för de Saken, de he verköfft hett, afsacken deit. De Positschoon vun en Verköper na en Kortverkoop warrt Kortpositschoon nömmt. De ganze Sake löppt so af, dat de Verköper, de Waren, de he al kort verköfft hett, na en Tied (meist dree oder veer Dage) ok bi den Köper aflevern mutt. Wenn de Saak nich slumpen deit un de Pries sackt nich af, man kladdert rup, denn so mutt de Verköper an dat korte Enne sien Göder dürer inkopen, as he jem al verköfft hett un he verleert Geld un winnt nix. Bi en Kortverkoop hannelt sik dat also um Spekulatschoon mit allerhand Risiko dorbi.