Kollateraal
Kollateralen (lat.: con „tohopen“; latus „Siet“) sünd in de Anatomie Sieten- oder Nevensträng, de dat in’n Lief bi’t Bloodfattsystem un bi’t Nervensystem gifft.
Bloodfatten[ännern | Bornkood ännern]
In’t System vun’n Bloodkreisloop stellt de Kollateralen seker, dat en Geweevrebeet ok noch mit Blood versorgt warrt, wenn de Hööftader t. B. dör Thromboos, Embolie oder Sehren vun enkelte Bloodfatten verleggt is. Över Anastomosen sünd de Bloodfatten mit’nanner verbunnen, so dat vun en Kollateraalkreisloop snackt warrt. Geev dat disse KOllateralen nich, künn man keen chirurgischen Ingrepp maken, vun wegen, dat en Operatschoon jümmer mit dat Dörsnieden vun Bloodfatten verbunnen is. Dorachter liggen Rebden weern ahn de Kollateraalkreislööp vun de Bloodversorgen afsneden. Fatten ahn Kollateralen un Anastomosen warrt as Endarterie betekent. Kummt dor en Versluss för, föhrt dat dwangslöpig to’t Afstarven vun’t Geweev, dat nich mehr versorgt warrt (Infarkt).
Nervensystem[ännern | Bornkood ännern]
In’t Nervensystem lopt Nervenfasern (Axonen) vun een Nervenzell (Neuron) na en annere. Op den Weg geevt de Axonen faken Sietentwiegen na annere Karnrebeden un Neuronen af, de ok as Kollateralen betekent warrt. Dat is vun Belang för’t Funkschoneeren bi meist all Verschaltmustern in’t Nervensystem, to’n Bispeel in’t Rüchmark un op all Evens in’n Bregen.