Knakenmann
De Knakenmann, Streckebeen, Gevadder Dood, Fründ Hein oder eenfach de Dood is de Personifikatschoon vun’n Dood. Vör allen in dat Middelöller weer he populär. In’n Dodendanz hett he en wichtige Rull. Faken warrt he as Skelett oder as Skelett mit’n langen Kapuzenmantel dorstellt. In de moderne Popkultur is meist blot noch de Version mit Kapuzenmantel begäng. Bi sik hett de Dood en Sees, mit de he de Selen inarnen deit. Ok Dorstellungen mit en Stünnglaas oder en Sweert gifft dat.