Klaus Wennemann

Klaus Wennemann (* 18. Dezember 1940 in Oer-Erkenswick; † 7. Januar 2000 in Bad Aibling) weer en düütschen Schauspeler.

Leven un Loopbahn[ännern | Bornkood ännern]

Wennemann weer de Söhn vun en Bargmann ut dat Ruhrrebeet. He hett en koopmännsche Lehr afleggt, heemlich aver Schauspeelünnericht nahmen, bit he na de Bundswehr müss. As he sien Schauspeelutbilln an de Folkwang-School to Enn maakt harr, kreeg he sien eerst Engagement in Landshut. Dorna weer he an’t Schauspeelhuus in Stuttgart un later in Riäkelhusen un Düsseldörp.

As Filmschauspeler harr Wennemann 1981 sien Dörbrook mit den Film Das Boot vun Wolfgang Petersen. Dorin hett he den Leiden Ingenieur (LI) mit en övertügen Leistung speelt, wat em de Dören för sien Filmloopbahn apen maken de. Twüschen 1984 un 1993 harr he de Titelrull in de Krimireeg Der Fahnder un later, in de 1990er Johren, den Paster Henning Schwarz in de Reeg Schwarz greift ein. Bito harr he Gastrullen in Feernsehregen as Hinter Gittern oder Auf Achse.

Wennemann weer siet 1963 mit sien Fro Hedwig verheiraadt un harr twee Söhnen. Bit to sien Dood hett he in Herrsching an’n Ammersee leevt. Kort na sien 59. Geboortsdag is he an Lungenkrebs doodbleven. Begraven liggt Wennemann op’n Waldkarkhoff in Oer-Erkenswick blangen sien Öllern.^[1]

Filmografie (Utwahl)[ännern | Bornkood ännern]

Johr	Titel
1976	Frauensiedlung, Feernsehn
1981	Das Boot
1984	Abwärts
1987	Der Unsichtbare
1989	Schuldig, Feernsehn
1990	Neuner
1985-93	Der Fahnder, Feernsehreeg
1995	Bruder, ich brauche dein Blut, Feernsehn
1995	Kissenschlacht, Feernsehn
1994-95	Schwarz greift ein, Feernsehreeg
1996	Helden haben’s schwer, Feernsehn
1998-99	Hinter Gittern – Der Frauenknast, Feernsehfolgen
1999	Morgen gehört der Himmel dir, Feernsehn