Kinshasa
| Wapen/Flagg | Koort |
|---|---|
|
|
|
| Basisdaten | |
| Inheemsch Naam: | franzöösch Kinshasa Lingala Kinśaśa |
|
Staat: | |
| Flach: | 600 km² |
| Inwahners: | 16.316.000 (2021) |
| Inwahnerdicht: | 27.193,3 Inwahners pro km² |
| Hööchd: | 240 m över de See |
| Vörwahl: | 0987- |
| Geograafsche Laag: | Koordinaten:4° 20′ S, 15° 19′ O4° 20′ S, 15° 19′ O |
| Websteed: | http://www.kinshasa.cd |
 | |
Kinshasa ([kɪn.ˈʃɑː.sa], franzöösch [kin.ʃa.ˈsa]; Lingala Kinsásá), bet 1966 ook Leopoldstad oder Léopoldville, es de Höövdstad un gröttste Stad van’r Demokraatschen Republik Kongo. De Stad liggt an den groten Stroom Kongo un was eerdages een Fischerdörp, man es nu ene Grootstad med œverslaan 16 Millionen Minschen un dat Zentrum för de Weerdschop, Finanzen, Industrie, Kultuur, de Politik in den Lande.[1] Binnen de Stad ligget de Buwärke van wichtigen Institutschonen as de Palais du Peuple, in den de Natschonaalversammlunge un de Senaat sittet, de Palais de la Nation, wo de Präsident siene Sede het.[2]
De Stad es 9.965 Quadraatkilometer groot un liggt an den Pool Malebo, wo sik dat Water van’n Kongo vœr den Livingstone-Waterfällen upstewwet un foormt enen groten Halbvògen an den Över henlanges. Güntsieds den veer Kilometer breden Stroom Kongo liggt Brazzaville, de Höövdstad van’r Republik Kongo.[3]
Kinshasa es mang den 26 Provinzen van den Land ene egene Provinz un deelt sik 24 Gemenen (communes) up, de sik wedderüm uut 365 Naverschopen tohopesett.[4] Kinshasa es de gröttste franschsprakige Stad up’r Eerden. Fransch domineerd de Poltik, de Scholen un Universitäten, un den handel, man up den Straten is meest Lingala as sproken Sprake to hören. De Minschen uut de Stad heet Kinois.[5][6]
Up den Lande ümme Kinshasa lèven de Bantuvölker Teke un Humbu Dat Dörp an’n Kongo, in den se lèven, hadde den Nshasa. In’n 18. un 19. Jaarhunderd worde dat Dörp wichtig för den Handel un de Stad, de ranwussen was, kreeg den Namen Léopoldville na den Köning Leopold II. van Belgien.Mobutu Sese Seko gav de Stad 1966 de Namen Kinshasa, den kolonialen uuttowesseln un as een Besinnen up den oolden Dörpsnamen Nshasa.
Bilder[ännern | Bornkood ännern]
-
Binnenstad van Kinshasa -
Kinshasa bi Nacht -
De Palais du peuple
.jpg)
Nawiese[ännern | Bornkood ännern]
- ↑
La culture et le divertissement au Congo. In: Actualite.cd. Afropen an’n 19. Oktober 2023 (franzöösch).
Merseign Luzonzo: Les fondements de l'émergence économique de la République Démocratique du Congo: défis et perspectives. The foundations of the economic emergence of the Democratic Republic of Congo: challenges and prospects. Université Catholique du Congo, Kinshasa (französisch, memoireonline.com [afropen an’n 1. September 2023]). - ↑ En RDC, le difficile accès à la justice pour les femmes victimes de viols. In: RFI. Afropen an’n 30. August 2023 (franzöösch).
Mark Huband: The Skull Beneath The Skin: Africa After The Cold War. Routledge, Oxfordshire, ISBN 978-0-429-96439-8, S. 123 (englisch). - ↑ Jan Van Eyck Academie: Brakin: Brazzaville-Kinshasa : Visualizing the Visible. Lars Müller Publishers, Baden, Swiez, ISBN 978-3-03778-076-3 (englisch).
- ↑ Gutu Kia Zimi: Growing Trees in Urban Kinshasa: Shrub Vegetation in Residential Plots in Kinshasa. Bloomington, Indiana, Vereenigde Staten 2021, ISBN 978-1-66551-262-6 (englisch).
- ↑ Cécile B. Vigouroux & Salikoko S. Mufwene: Globalization and Language Vitality: Perspectives from Africa. A&C Black, 2008, ISBN 978-0-8264-9515-0, S. 103, 109.
- ↑ Pierre Magnan: Kinshasa a dépassé Paris comme plus grande ville francophone du monde. In: Franceinfo. Afropen an’n 30. August 2023 (franzöösch).
Weblenke[ännern | Bornkood ännern]
Wiktionary: Kinshasa – Bedüdensverklaren, Woortherkamen, Synonymen, Översetten