Kelpgoos

Kelpgoos; Tanggoos
Kelpgoos-Ganner
Systematik
Ünnerstamm: Warveldeerten (Vertebrata) Klass: Vagels (Aves) Ornen: Gösevagels (Anseriformes) Familie: Aantenvagels (Anatidae) Ünnerfamilie: Halfgöse (Tadorninae) Tribus: Echte Halfgöse (Tadornini) Geslecht: Spegelgöse (Chloephaga) Oort: Kelpgoos
Wetenschoplich Naam
Chloephaga hybrida
(Molina, 1782)

Seken

De Kelpgoos oder Tanggoos (Chloephaga hybrida) is en Vagel, de to de Familie vun de Aantenvagels un dor to de Unnerfamilie vun de Halfgöse rekent warrt. Se fritt sunnerlich Kelp (brune Algen). Dor hett se ok ehren Naam vun her.

Kennteken

De Ganners hefft en witt Fedderkleed, en swatten Snavel un geele Föte. De Seken dreegt en dunker Fedderkleed mit griese Striepen up’e Bost, en hellen Snavel un, just so, as de Seken, geele Föte.

Wie se sik vermehren doot

Kelpgöse leggt twee bit seven Eier in’t Johr in dat hoge Gras. Dat duert um un bi een Maand, denn kruupt de Jungen ut.

Wo se vörkaamt un wo se leven doot

Düsse Halfgöse leevt in de süüdlichen Gemarken vun Süüdamerika, in Patagonien, up de Falklandinseln un in Füerland. Se hoolt sik dor up in felsige Gegenden nich wiet af vun Water.

Unneraarden

Vun düsse Aart sünd twee verschedene Unneraarden bekannt:

• Chloephaga hybrida: In’n Süden vun Chile un Argentinien.
• Chloephaga malvinarum: Up de Falklandeilannen.