Kelp (Seealgen)
| Kelp | ||||||||
|---|---|---|---|---|---|---|---|---|
 | ||||||||
| Systematik | ||||||||
| ||||||||
| Wetenschoplich Naam | ||||||||
| Laminariales | ||||||||
| Migula, 1909 |
Kelp (ut de engelsche Spraak) sünd lange Seealgen, de to de Brunen Algen (Phaeophyceae) tohören doot. De wetenschoppliche Naam for düsse Ordnung mank de Bruunalgen is Laminariales. Dat gifft um un bi 30 verschedene Geslechter mank de Kelpen. Kelp wasst in Unnerwater-Wolden (Kelpwolden) in flacke Ozeane. Dat warrt annahmen, datt de Kelpen in dat Miozän upkamen sünd, vör um un bi 23 bit hen to 5 Mio. Johre[1] Düsse Organismen bruukt Water mit veel Nährstoff dor in un wasst bloß bi Temperaturen vun twuschen 6 un 14 ° Celsius. Se sünd dor bekannt for, datt se bannig fix wassen doot. De Geslechter Macrocystis un Nereocystis wasst meist en halven Meter an een Dag un könnt tolest 30 bit 80 m lang weern.[2]
In dat 19. Johrhunnert weer dat Woort „Kelp“ sunnerlich tohopenknütt mit Seealgen, de verbrennt wurrn sünd, um dor „Soda-Asch“ (besteiht to'n groten Deel ut Natriumcarbonat) ut to maken. To de Seealgen, de dor for bruukt wurrn sünd, hörden Aarden vun de Laminariales un ok vun de Fucales mit to. Dat Woort „Kelp“ is dortieds ok direktmang for de Asch bruukt wurrn, de bi dat Verbrennen denn rutkeem.[3]
Belege[ännern | Bornkood ännern]
- ↑ Macrocystis Evolution
- ↑ Thomas, D. 2002. Seaweeds. The Natural History Museum, London, p. 15. ISBN 0-565-09175-1
- ↑ "Kelp," in Oxford English Dictionary (Second Edition). Oxford University Press, 1989. Retrieved 1 December 2006