Kategorie Diskuschoon:SV Werder Bremen

Wenn ut de Kategorie Bremen rutnahmen is, denn mutt dat bi jeden enkelten Speler nu inföögt weern. Denn na Bremen höört de Vereen nu mol to...--Bolingbroke 23:31, 9. Sep. 2008 (CEST)

Wenn du aver K:SV Werder Bremen in K:Bremen rindeist, denn is K:SV Werder Bremen Ünnerkategorie to K:Bremen un dat wedder to K:Düütschland. Dat heet denn, dat to'n Bispeel Said Husejinović in en Ünnerkategorie to K:Düütschland un in K:Bosnien-Herzegowina steiht. Dat bedüüdt, dat CatScan nich mehr weet, wat he för en Landsmann is. Is he en Düütschen oder en Bosnier? Wi mööt dor de Ebenen utenannerhollen. Wi mööt uns överleggen, wat dat bedüden schall, wenn wi en Person in ene Oorts-/Regions-/Landkategorie rindoot. Wat för Personen schöölt in K:Bremen insorteert wesen? Lüüd, de dor boren sünd? Lüüd, de dor lang wahnt hebbt? Lüüd, de dor ok blot kort wahnt hebbt? Lüüd, de dor gor nich wahnt hebbt, aver in de Stadt aebeidt hebbt? Lüüd, de mit'n Oort egentlich nich veel to doon hebbt, aver liekers en Betog hebbt (schall Ötzi in K:Bozen rin, ok wenn he eerst poor dusend Johr na sien Dood dat eerste Maal na Bozen kamen is?)? --::Slomox:: >< 09:40, 10. Sep. 2008 (CEST)

Dat is gor nich so eenfach. Up jeden Fall mutt he dor in stahn, wenn he in Bremen boren is. Up de annere Siet is t.B. Thomas Schaaf in Mannheim boren, wohnt avers al vun sien negente Johr af an in Bremen un warrt dor ok allgemeen as Bremer ankeken. He snackt sogor so, as en Bremer. Höört de nu in beide Kategorien rin: Bremen un Mannheim? Oder nümm di mol en annern vör: Arnold Schwarzenegger. Ohn Twiefel höört de na Kategorie Kalifornien mit rin. Man de möss doch woll ok in Kategorie Steiermark instahn, weil he dor boren is? Bi Said Husejinović weer dat ok nich anners, wenn he in Bremen bither to wat tostanne bröcht harr. Man he is noch jung. He speelt woll bi Werder, man hett sik dor noch nich dörsetten konnt. Man wat is, wenn later eenmol de Lüde seggt: Dat is doch de beröhmte Husejnovic, de so veel Doren för Werder schaten hett un de so un so faken en Titel hoolt hett? Mutt he denn nich doch unner Kategorie:Bremen instahn? Üm dat kort to maken:Wi bruukt Kriterien, oder anners seggt en Konventschoon över so'n Fragen.--Bolingbroke 12:32, 10. Sep. 2008 (CEST)