Kategorie Diskuschoon:Jazzmusiker

Ik müch disse Kategorie geern oplösen. Dat is beter, wenn een in'n Artikel de beiden Kategorien Kategorie:Jazz un Kategorie:Musiker sett. Denn lett sik dat hier maken, wenn een all Jazzmusikers sehn will: [1]. De Vördeel von disse "atomaren Kategorien" (atomar in'n Sinn von undeelbor, blot op een Aspekt utricht) is, dat wi en ganzen Hümpel Kategorien spoort un vör allen, dat dat flexibler is. --::Slomox:: >< 20:20, 24. Sep. 2010 (CEST)[anter]

Musiker is as Begreep nu man düchtig wiet faat. Un in Jazz kann noch en ganzen Düüt mehr drinstahn. Ik weer sogor all an Överleggen, of man dat nich so as in de: WP makt mit Kategorien: Basuunist (Jazz), Slagtüüchspeler (Jazz) usw. Dat gung mi denn aber noch wat to wiet. Ünner de Kategorie Jazz könnt t. B . noch rin Begreep as Session, Jazz Richtungen, Festivals. ... Ik bin also dorför, die Kategorien so to laaten. Eastfrisian ✍ 22:28, 24. Sep. 2010 (CEST)[anter]

Ünner de Kategorie Jazz könnt t. B . noch rin Begreep as Session, Jazz Richtungen, Festivals. Jo, dat schall dor ok allens rin. Baven rechts in Kategorie:Jazz is en Kassen. Wenn du dor op "Musikers" klickst, denn kummt de ganze List mit all 122 Artikels to Jazz-Musikers. Wenn du all Artikels to Jazz-Festivals hebben wullt, denn klickst du op "Musikfestivals" (hebbt wi keeneen von).

Wi wüllt maal Chet Baker as Bispeel nehmen. De weer Trumpeter. Wenn du em nu in "Kategorie:Trumpeter (Jazz)" rinsettst, denn dükert he in "Kategorie:Jazzmusiker" nich mehr op. De Bruker, de nu ünner "Kategorie:Jazzmusiker" na Chet Baker söcht, kann em nich finnen. Wenn du em aver in "Kategorie:Trumpeter" (as Ünnerkategorie von "Kategorie:Musiker") un "Kategorie:Jazz" rinsettst, denn kannst du em över CatScan liekers noch finnen, wenn du "Musiker"+"Jazz" söchst. CatScan söcht ok in de Ünnerkategorien.

En anner Problem is noch dat: Wenn du "Trumpeter (Jazz)" hest, schall dat denn ok "Trumpeter (USA)" geven? Oder "Trumpeter" un "Trumpetersch" för Mannslüüd un Froonslüüd? Oder "Trumpeter (Johren 1920)"? Oder villicht "US-amerikaansch Jazz-Trumpetersch (Johren 1920)"? Bi atomare Kategorien is dat allens veel lichter: "Kategorie:Jazz" + "Kategorie:Mann" + "Kategorie:Trumpeter" + "Kategorie:USA" un denn kann sik de Bruker sülvs tohoopstellen, wat em intresseert. --::Slomox:: >< 23:24, 24. Sep. 2010 (CEST)[anter]

Den ersten Afsatz kann ik so nich stahn laaten. Wenn ik up Musikers gah, kreeg ik völ mehr as Jazzmusikers. Hebb ik en Jazzmusiker as Artikel, bruuk ik blots up de Kat gahn un hebb denn (blots) de anner Jazzmusiker. Dorvan afsehn, ik weet gar nich, wu man mit Catscan arbeiten deiht und so manch en "normaal" Leser weet dat sass noch weniger. Wiederhenn, ik weet jetzt nich , of Du, Slomox oder Bolingbroke ok all Artikels anlegtt hebbt, mit ganz völ root Kats, wo noch nicht drin stunn, un nahderhenn villicht blots up lang Tiet 1 eenzig Begreep. Eastfrisian ✍ 09:06, 25. Sep. 2010 (CEST)[anter]

Glööv ik nich, datt ik dat maakt hebb. Wenn, denn bloß, wiel ik dat vergeten hebb, blau to maken...Wat Catscann angeiht, meen ik ok, dat is Insider-Weten. Ik hebb mi dor bitherto noch nich um scheert, un ik glööv, de meisten eenfachen oder tofälligen Brukers könnt dor ok nich mit umgahn. Ik bün dor up jeden Fall för, de Sake för normale Brukers so eenfach, wie mööglich to maken.--Bolingbroke ✍ 13:09, 25. Sep. 2010 (CEST)[anter]

Also dat is nu dat leste, wat ik glööv, dat dat System mit Spezialkategorien eenfach is. Kiek di maal de Diskuschoon ünner de:Wikipedia Diskussion:Kurier#Kategoriendiskussion, besünners den tweten Bidrag von Mathiasb. He beschrifft dor, dat de Artikel över den Sportler Petar Radenković in de Kategorie de:Kategorie:Person (München) insteiht, aver nich in de de:Kategorie:Sportler (München) rindröff. Logik för den Bruker, de dat System nich kennt: null.

Wi mööt uns ja överleggen: wo sünd de Kategorien för dor? Wo bruukt wi de för? Wi bruukt jem, dat en Bruker, de geern weten will, wat dat so för Artikels to - as Bispeel - "Öörd in'n Landkreis Stood" gifft, en List finnen kann, in de disse Artikels instaht. Dat hoochdüütsche Modell mit de:Kategorie:Ort im Landkreis Stade helpt em dor direkt, dat stimmt (tominnst wenn de Kategorie al vörhannen is). Wat aver nu, wenn he weten will, wat dat för Artikels to "Öörd in'n Weser-Elv-Dreeeck" gifft? Denn mutt de Bruker sik dör de enkelten Listen de:Kategorie:Ort im Landkreis Stade, de:Kategorie:Ort im Landkreis Cuxhaven, de:Kategorie:Ort im Landkreis Rotenburg (Wümme), de:Kategorie:Ort im Landkreis Osterholz sülvs dörklicken un sik allens tohoopsöken. Mit atomare Kategorien un CatScan kannst du di de List ganz licht sülvs tohoopstellen: [2].

Wenn ik wat över en Oord in'n Kreis Pinnbarg weten will, de ünnergahn is, un ik heff den Naam von'n Oort vergeten, denn kann ik dat hier maken: [3]. Wenn ik dat mit Spezialkategorien maken will, denn mutt ik "Kategorie:Verlaten Oort" hebben, denn "Kategorie:Verlaten Oort in Düütschland" (un för all de annern Länner op de Welt), "Kategorie:Verlaten Oort in Sleswig-Holsteen" (un för all de annern Bundslänner), "Kategorie:Verlaten Oort in'n Kreis Pinnbarg" (un för all de annern Kreise). Dat sünd en poor hunnert oder dusend Kategorien, de anleggt un pleegt warrn mööt. Mit atomare Kategorien un CatScan geiht dat licht un ahn Problem. --::Slomox:: >< 14:40, 25. Sep. 2010 (CEST)[anter]

Du machst glöven of nich, ik hebb dor kien Ahnung van, a: wat Du meenst un b: wat dat mit Catscan överhoopt to doon hett. Dat is mi all to technisch. Van mi ut makt, wat ji willt.Eastfrisian ✍ 20:48, 25. Sep. 2010 (CEST)[anter]