Karl Weber (Politiker)

Vun Wikipedia

Karl Weber (* 8. März 1898 in Arenberg bi Koblenz; † 21. Mai 1985 in Koblenz) weer en düütsch Politiker (CDU). He weer in dat Johr 1965 Bundesjustizminister.

Leven[ännern | Bornkood ännern]

Nah dat Abitur 1916 nehm Weber tonächst as Suldat an' Eersten Weltkrieg deel. Dornah hett he sien Studium vun de Rechtswetenschap in Bonn upnommen, dat he mit beid juristisch Staatsexamen afslooten hett. In Bonn wurr he Liddmaat vun de K.D.St.V. Staufia Bonn in' CV. 1924 kreeg he sien Doktertitel. Siet 1925 weer he as Afkaat in Koblenz tätig. Van 1939 bit 1945 nehm he as Suldat an' Tweeten Weltkrieg deel.

An' 6. Februar 1947 wurr he to'n eersten Präsidenten vun de Koblenzer Afkaatenkamer wählt; dit Amt harr he bit 1975. Van 1967 bit 1974weer he ok Präsident vun de Bundsafkaatenkamer. Weber weer dorto van 1947 bit 1969 Intendant vun dat 1808 grünnd Koblenzer Musik-Institut.

All in de Jöögd hett sück Weber politisch in de Zentrumspartei betätigt. He tell to de Mitbegrünner vun de CDU in Rhienland-Palz. Van 1950 bit 1965 weer he Vörsitter vun den CDU-Bezirksverband Koblenz.

Van 1949 bit 1965 weer he Liddmaat vun den Düütschen Bundsdag. Siet 1957 hörr he bit to sien Beropen to’n Bundsminister as Vörsitter vun den Arbeitskrink Reht ok den Vörstand vun de CDU/CSU-Bundsdagsfraktschoon an. Weber weer as direkt wählter Afordneter vun den Wahlkreis Koblenz in den Düütschen Bundsdag intrucken. För de Bundsdagswahl 1965 wurr he vun sien Partei aber nich weer upstellt.

An’ 27. März 1965 wurr he as Bundesjustizminister in de vun Bundskanzler Ludwig Erhard führt Bundsregeeren beropen. Nah de Bundsdagswahl 1965 wurr he aber nich nochmal in dat Amt beropen.

Ehrungen[ännern | Bornkood ännern]

  • Groot Bundsverdeenstkrüüz mit Steern un Schullerband.
  • In sien Heimatstadt Arenberg bi Koblenz wurr hüm to Ehren dat Karl-Weber-Haus nömmt (Togänglich maakt: 26. Februar 2000).

Weblenken[ännern | Bornkood ännern]